Popular Bible Verses from Marc 14

Share

Jésu ede nè: – Bɔ’m, i ɓaa ase ra nyange malang. Ute nyantosowur nè ram’t mbeng ke rang. Nè né è bè géa, i ra nyan ke kêm’m man á ndige lé, nè nyan ke kêmi ɔje.

I ndii dè nja si’t kekek ɔji tà se Nube. Ke nè á i rai titeke bè se ndɔge malang ɓaa a osoi dann kaiya’t lé. Tàgir le si maje nè danra si á yai.

Kerɔte kuwe, man m’ede sei ndàt, se loo malang dè nang nè, loo ke d’a d’ile mber Tà ke Maje tutu nga, d’a kɔr ser nyan ra dinye nè nga tɔ, tede kade kɔbe’n oso’n se loo mbit-mbit ade kêm dooge olé’n dènn’t.

Jésu ede njé ke danni nin ede nè: – Kêm’m ndinge ra’m sár kade m’wei’n. I ndii loo ke nè’t a, i ndii dè nja si’t a tɔ.

Loo ke Jésu se njékuwe-girnge ndii tà nyankuse’t ɓaa, Jésu unn mapa karé, è ra Nube oiyo ɓita uwe tête danné ade de ede nè: – I taai, è ke nè è danra’m.

Go’t gugu ɓaa, è unn mann nduu kêm kalmann’t ra Nube oiyo ɓita è ule ade d’an-in pêrm-pêrm d’ade nan gute. Taɓai Jésu ede njékuwe-girnge ede nè: – E ke nè, è mese mann-ra ke an-in uge dè dooge bule.

Jésu ede njékuwe-girnge ede nè: – Sei malang a teli tɔri naji se ra si dèm’t. Tede dé ndang kêm magtub’t d’ede nè: «M’a kunde njèkul batege mbas tɔl’n. Batege à an-in a, à yali nan biriri ke looge’t.»

In-in dɔ, adi jè tilei kum de. An-in! njèkule’m ji de’t nga è ngɔr ta.

Jésu ede Pierre ede nè: – Kerɔte kuwe, man m’edi ndàt, ɓila dann ndɔ nè kuwe, kété ɓita kade kuren kunje non nja joo nga, a i naje se rai dèm’t nja mute kede nè i ger’m lé.