Popular Bible Verses from Marc 6

Share

Jésu unn ndu’n ade de ede nè: – Sei kuwe i reei ade j’awi ngang loo’t nata jè taai kebe ndêin ɓita. Tede doobulege awi a, teli a, ade d’inge loo kuse nyan bè géa lé.

Nè Jésu ede de ede nè: – Njèribe-dè-tà ke tà Nube’t nga d’ile riɓar dènn’t se looge ke rang malang. Nè njé ke ɓee kojenn’t se njé ke girkà’t le’n, se njénojege le’n kuwe karé á ilei riɓar dènn’t lé.

Loo ke Jésu rise nang kêm ngonn bato’t ɓaa, an kosdoo-bulege. E an kumndoo le de tede tooi asinan se batege ke njèkul de goto bè. E an kumndoo le de ade unn gir ndó de tàge ngain bè.

Jésu asekum ra nyankɔbe karé bè kêm ɓee ke Nazareth’t nga lé. Nè né è bè géa, è ɔr ratur ra dooge ke nange. Tà ige Jésu sêl dè kunn mbi dè tà’t le doobulege. Jésu ɔte aw se ngann ɓeege ke gan-in dè Nazareth gêrêr ndó dooge nyan.

Jésu unn mapa ke mi se tutu kanjege ke joo nè nga jinn’t. E an loo ke danrán, ra Nube oiyo ɓita tête danné ade njékuwe-girnge le kade kayai awi undei non mate dooge malang. Go’t gugu, Jésu kai kanje ke joo nè nga kosdooge malang. Nanan géa use mapa ndann gɔj-gɔj. Gute mapa se kanje ke nain nga njékuwegir-Jésuge otoi rusu ngann janga dɔg-gidé-joo.