Popular Bible Verses from Marc 5

Share

Nè Jésu ede dinye nè nga ede nè: – Yaa, ratur lei ɔr dèi’t ɓá tede kêmi ke unde dèm’t. Aw se kêmlom, ratur nè nga à tel rai gugu ndan lé ta.

Dinye karé ke mese tal rann’t ase lo dɔg-gidé-joo nda dann kosdooge’t nè nga tɔ. E gui ra njékugege’t bule ade ra’n tur’n se ndáng karè. Taɓai è tuju nyan kingege le’n malang anje kade ratur le’n ɔr dènn’t, nè lot bè á ratur le’n nè nga aw kum’n ke kété-kété.

Loo ke è ɔde tà kubuge ke ra Jésu’t lêm ɓaa, ke loon’t nè kuwe mese ke tal rann’t gang ɗás. E ger kêmn’t titeke ratur le’n nga ɔr dènn’t ɓá ta.

E uwe ji’n ede’n ede nè: – Talita kum, tel se tà kɔje jéi ɓaa, è «Ngomande, i tɔse ndel in dɔ.»

Loo ke tà nè nain tà Jésu’t ɓai ɓaa, dooge in-in kêm kei le Jairus ngar dè kei kebe nan, reei edi nin edi nè: – Ngonni ke dinye nga wei ɓá ta. Ké ri taɓai á ɔge’n njèndó dooge nyan taa kebe wa? Nè Jésu unn mbi’n dè tà’t nè nga, è ede Jairus ngar dè kei kebe nan ede nè: – I ɓel lé, unde kêmi dè’m man’t kuwe karé bere.

E tam tà nè nga titeke bè tede kunn ke Jésu unn ndu’n ade ndil ke majelé ede nè: – I ndil ke majelé, unde loo i tee kêm dingem’t nè nga kɔke. Jésu deje dingem nè nga ede nè: – Ké ri è nan wa? E ile’n dè’t ede nè: – Ri’m nè «kos njérɔge», tede jè bule ngain.