Popular Bible Verses from Mututo 15

Share

A li, “Haiba mu ka ni utwa hande, na, Muñ'a Bupilo Mulimu wa mina, mi mu eza se ni bona kuli si lukile, mu mamela litaelo za ka ni ku buluka milao ya ka kamukana, ha ni na ku mi tiseza liziezi ze ne ni tiselize Maegepita, kakuli ki na Muñ'a Bupilo ya mi folisa.”

Muñ'a Bupilo wa ni tiisa ni ku ni matafaza. Ki yena ya ni pilisize. Ki Mulimu wa ka, mi ni ta mu lumba, Mulimu wa bo ndate, mi ni ta opela butuna bwa hae.

“Muñ'a Bupilo, ki mañi mwahal'a milimu kaufela ya swana ni wena kwa ku kena ko ku komokisa? Ki mañi ya swana ni wena kwa ku eza limakazo ni likezo ze maata a sabisa?

U etelezi ka lilato sicaba s'o pilisize. Ka maata a hao u si isize mwa sibaka sa hao se si kenile.

Cwale kiha ba t'o fita fa mawelu-welu a mezi a baba, kono ba palelwa ku a nwa kabakala ku baba kwa ona. Kikabakaleo ha n'a beilwe libizo la Mara. Batu ba bilaela ku Mushe, ba buza, ba li, “Cwale lu ta nwañi?” Mushe a lapela ku Muñ'a Bupilo, mi yena a mu bonisa kakota. A ka nepela mwa mezi, mi mezi s'a fela ku baba. Honafo Muñ'a Bupilo a ba fa mulao o tiile, mi hape i sa li honafo, a ba lika.