Popular Bible Verses from LUKAS 14

Share

Nge môt éziñ a zu be ma, a nge a nji vini ésaa wé, nyia wé, minga wé, bone bé, bobenyañe bé a bekale bé, jaʼan ényiñe jé ébien, a se nguleya bo e ñyeʼé wom.

A Nyô a nji beʼe krôa jé a bo te tôñe ma, a se nguleya bo e ñyeʼé wom.

Yaa, e môt a bete émiene yôp a ye silibane si, a nyô a sili émiene si, a ye betebane yôp.

Ajô te ñhe, nyô ase ya be mia a bo te bene biôme bise a bili, a se nguleya bo e ñyeʼé wom.

Amu, za ya be mia, nge a kômbô lôñe nkum, a bo te taté tabe si asu ya bo metañe ya moné a yian ésaé, a yen nge a bili abime da ye bo na ésaé te é man, woñ ô too na nge a mane bo mbôkaʼa ya nkum, a za bo te nguleya mane wô, a bôte ba ye yene nye be za wôé nga a jô na: Môte nyô a nga taté na a lôñ, ve a nji bo nguleya mane.

Vʼéyoñe wo bo beta ésulane bidi, bañeteʼe minzôzoé, e bôt be ne bibuʼa biziñ ntyiʼan, miñyeyem, mindindim. A wo ye vak amu be nji bi jôme ya yaʼane wo; amu wo ye bi maʼan éyoñe bezôsôô be bôt ba ye wômô.

Nku ô ne mbamba jôm; ve nge nku ô bo fe éyôs, ba ye tyiti wô a jé? O nji ke beta volô, toʼo asu si, toʼo asu akun; ba wua wô fé. Nyô a nee melo asu ya wôk, a wôʼôk.