Popular Bible Verses from LUKAS 17

Share

Wôna a nga jô nye na: Kôlôʼô si, kelek; e mbunane wôé ô nyiiya wo.

A nge a bo wo abé biyoñe zamgbwale e môs , a a zule be wo biyoñe zamgbwal, a jôʼô na: ma jôban, wo ye jamé nye.

Wua ya be be éyoñ a yeneya na a ntoo mvoʼé , a nga bulane mvus, a kañe Zambe tyiñe yôp. A nga ku mebo me Yésus asu é butu si a ve nye akéva. A mbe môte ya Samari.

Tabaʼane miabebiene ntyel. Nge monyoñ a te bo abé , komekaʼane nye, a nge a tyendé, jaméʼé nye.

Yésus a nga nyoñe nkobô a jô na: Ye be nji tuneban bôt awôm? Ve ba bevok ébul be ne vé?

A Nti a nga jô na: Nge mi nga ye bi mbunan ane fes ôndôndôô, mi nga ye jô élé murié jina na: Fumiʼi si a bébaʼan e mañ été; a é nga ye wôʼô mia.

Nyô a ye jeñe na a kaman ényiñe jé a ye dimili je, a nyô a ye dimili je a ye beta yene je.

Yésus a nga jô beyéʼé bé na: E se nguleya bobane na e mam ma kolé ôbak me bo te kui, ve ngoʼé nyô a bo na me kui! E nga ye dañe bo nye mfi na be tiñeti nye akoʼo ba koʼo bidi tyiñ a wua nye mañ été, a dañ éyoñ a nga ye bo ékolé ôbak e be wua ya ayôme bone di.

E jam e nga kui melu Noé, da ye fe kui e melu Mona môt. Bôt be nga di, be nga nyu, be nga luʼu befam a binga, be nga ke fe meluk, akekui e môse Noé a nga nyiin e ark été; ndôn é nga kui a mane wôé bese.