Popular Bible Verses from LUKAS 18

Share

Yésus a nga kane be nkana asu ya liti na: bia yiane yeʼelan éyoñ ése teke tek.

Ye Zambe a ye bo te tyiʼi mejô mintobane mié, e mmie mia yône be nye alu baa môs , a ye yange ayap mfaʼa wop? Ma jô mia de na: A ye jiʼa tyiʼi be mejô. Ve éyoñe Mona môt a ye so, ye a ye foʼo koone mbunan e si nyô?

Yésus a nga yalane na: Jam e se nguleya boban e be bôt, e ne boban mfaʼa Zambe.

Ayab éyoñ, a nji kañese. Ve a nga suʼulane jô émiene na: me kusa bo te ko Zambe woñ nge semé môt éziñ, ve da na amu e nkuse minga wu wo ndeñele ma, ma ye tyiʼi nye ajô, a za suʼulane zu bôé ma nlô.

Ma jô mia de bebela na: Nyô ase a ye bo te nyoñ éjôé Zambe ane mone mongô a ye bo teke nyiin été.

A Yésus a nga bo na be loone be a jô na: Jôkaʼan bone be bongô be zu be ma, a te kamane be jame te; amu éjôé Zambe é ne asu ba be ne ane be.

Yésus a nga jô nye na: betaʼa yen; e mbunane wôé ô nyiiya wo.

Yésus a nga jô nye na: Amu jé wo loone ma mbamba? Teke môt a ne mbamba, nga ve Zambe étam.