Popular Bible Verses from JEAN 15

Share

«Mi nɛ́ nyak-dɔ̧ɔ̧, ɓɛɛ ɛ́nɛ́ nɛ́ o gbaa-er-a. Wi nɛ̀ duk tɛ‘m, n'am duk tɛ a̧ mbɛt, wi’ɛi tɛ wai nɛ̀ dɔka-a; wen kà‘m bo na, ŋma mɔ n’ɛnɛ tɛ de bo na.

Ɛ̀nɛ̀ dúk tɛ‘m hee mɔ'ɔ n'am duk tɛ‘nɛ́ ga. Gbaa-er-nyak-dɔ̧ɔ̧ nyɛm mɛ duk ɛ̀nɛ̀-wi wai nɛnɛ na. Hegɔ ɛ́nɛ́ mbɛt, k’ɛ̀nɛ̀ duk tɛ‘m na, ɛ́nɛ́ beka wai na.

K’ɛ̀nɛ̀ duk tɛ‘m, ɓɛɛ kà wen kɔ‘m duk tɛ‘nɛ́ mbɛt, ɛ́nɛ́ tɛ ak mɔ n’ɛnɛ kɔ̧a̧, ɓɛɛ ɛ́nɛ́ kpaa.

Bó nɛ́ ɛ́nɛ́'ɛ hoka'm na; nɛ́ mi'i hoka'nɛ́, ɓɛɛ mi e tom er'nɛ́ h’ɛ́nɛ́ mɛ nɛ̀ɛ́ wai, ɓɛɛ ha̧ waya-mɔ‘i mɛ duk ɓɔnsɛnɛ; hegɔ mɔ lɛŋ n’ɛnɛ tɛ ak er Dáà nɛ̀ nin-am, a̧ tɛ ha̧ h’ɛ́nɛ́.

Gasa kɔ̧ɔ̧mɔ nɛ̀ gana há̧á̧ tɛ-wi mɛ fe gɔn nɛ̀ zu o sɛm kɔ‘i bo na.

Gbaa-er-nyak-dɔ̧ɔ̧ lɛŋ nɛ̀ duk tɛ‘m, nɛ̀ wai na, Dáà kɔ‘m tɛ gɔm yinɛ, ɓɛɛ a̧ tɛ ɗafi o gbaa-er-nyak-dɔ̧ɔ̧ lɛŋ nɛ̀ wai wen ha̧ wa mɛ wai nɛ̀ dɔka-a gan kuti-a.

Heembea kɔ‘m nɛ́ mɔ'ɔ: Ɛ̀nɛ̀ kɔ̧́ ŋmaa in o ŋmaa hee mɔ'ɔ n'am kɔ̧ɔ̧ nɛ̀ ɛ́nɛ́ ga.

Mɔ n’ɛnɛ tɛ de ha̧ o bíí mɛ zɔn Dáà kɔ‘m, nɛ́ waia-a h’ɛ́nɛ́ mɛ wai nɛ̀ dɔka-a, ɓɛɛ h’ɛ́nɛ́ mɛ ya o ŋgaiwi kɔ‘m.

«Mi nɛ́ kpasa nyak-dɔ̧ɔ̧, ɓɛɛ Dáà kɔ‘m nɛ́ wi-ɗafi-gun-aa.

Kà ŋma bíí duk tɛ‘m na, wa tɛ ba a̧ pi̧ zan ha̧ a̧ mɛ kor, hee gbaa-er-nyak-dɔ̧ɔ̧ nɛ̀‘i ba pi̧ taŋ, kà kor, ɓɛɛ wi aa tɛ wee bíí wee kór-kór’ɛ ga.

«Mi tɔ̧ɔ̧ wen’ɛ h’ɛ́nɛ́, wen ha̧ desee kɔ‘m mɛ duk tɛ‘nɛ́, ɓɛɛ ha̧ desee k’ɛ́nɛ́ mɛ duk nɛ́ kpasa desee.

K’ɛ̀nɛ̀ kasi o heembea kɔ‘m, ɛ́nɛ́ tɛ duk zaŋ kɔ̧ɔ̧mɔ hee mɔ'ɔ n'am kasa nɛ̀ heembea ko Dáà kɔ‘m duk nɛnɛ zaŋ kɔ̧ɔ̧mɔ kɔ̧-a̧'ɛ ga.

Ɓɛɛ mɔ n'am tɔ̧ h’ɛ́nɛ́ mɛ de, mɛ̀ nɛ́ wen h’ɛ́nɛ́ mɛ kɔ̧ ŋmaa in o ŋmaa.»

K’ɛ̀nɛ̀ bo so nɛ́ o bíí zaŋnu gáà, o bíí zaŋnu tɛ̀ɛ́ kɔ̧‘nɛ́ wen ɛ́nɛ́ nɛ́ o bíí kɔ-wa, ɓɛɛ ɛ́nɛ́ bo nɛ́ o bíí zaŋnu na, wen mi hoka'nɛ́ mgbara wa yinɛ; nɛ́ mɔ‘i sa wa sɛn'nɛ́.