Popular Bible Verses from JEAN 16

Share

Mi tɔ̧ɔ̧ mɔ‘i h’ɛ́nɛ́, wen h’ɛ́nɛ́ mɛ kpa ga̧a̧mɔ tɛ duka-a tɛ‘m. Ɛ́nɛ́ tɛ zɔk bɔnɛ sɛn zaŋnu, ɓɛɛ ɛ̀nɛ̀ nɔ́ ŋgiɗi! Mi gana zu mɔɔ-zaŋnu.»

Ŋgimbi nɛ̀ Sa̧a̧ Ɔmi, wi-usi-kpasawen tɛ hɔ, a̧ tɛ mgbɔ‘nɛ́ ye nɛ̀ tɛ́ kpasawen lɛŋ. A̧ beka tɔ̧ wen nɛ̀ zu-a na; a̧ tɛ tɔ̧ nɛ́ mɔ n'aa tɛ zii, ɓɛɛ a̧ tɛ tɔ̧ mɔ lɛŋ nɛ̀ tɛ hɔ h’ɛ́nɛ́ mbɛt.

Hɔ kinii, ɛ́nɛ́ tɛ ak ŋma mɔ nɛ̀ nin-am hɔ̧ɔ̧ na. Ɛ̀nɛ̀ ák, ɓɛɛ ɛ́nɛ́ tɛ kpa, hegɔ ɓɛɛ ɛ́nɛ́ tɛ kpa kpasa desee.

Ɓɛɛ nɛ́ kpasawen a̧‘m tɔ̧ h’ɛ́nɛ́, yaka-a kɔ‘m tɛ duk nɛ́ mɔ nɛ̀ tɛ gbak'nɛ́, wen kà‘m yak na, wi-ye-ɗoŋ‘nɛ́ beka tɛ na, ɓɛɛ kà‘m nɛ́ yaka, mi tɛ tom a̧ tɛnɛ h’ɛ́nɛ́. Ɓɛɛ ŋgimbi n'aa tɛ tɛ, a̧ tɛ usi yɔɔ-kaya ko o bíí zaŋnu ha̧ wa zu mɔ ko ɗaŋmɔ, deemɔ nɛ̀ yuwar-a in kita.

Ɛ́nɛ́ mbɛt, kinii ɛ́nɛ́ ya nɛ̀ ɗaŋsee; ŋgimbi n'am tɛ pii ɗoŋ, ɛ́nɛ́ tɛ kpa desee, ɓɛɛ ŋma bíí nɛ̀ tɛ ba desee'i tɛ‘nɛ́ yinɛ bo na. «Ɓɛɛ tɛ ŋgimbi'i, ɛ́nɛ́ beka ak am nɛ̀ ŋma mɔ ɓɔna. Nɛ́ kpasawen a̧‘m tɔ̧ h’ɛ́nɛ́; k’ɛ̀nɛ̀ ak ŋma mɔ er Dáà kɔ‘m nɛ̀ nin-am, a̧ tɛ ha̧ h’ɛ́nɛ́.

Nɛ́ kpasawen a̧‘m tɔ̧ h’ɛ́nɛ́; ɛ́nɛ́ tɛ hi̧i̧ kɔ̧a̧, ai nɛ̀ nú, ɓɛɛ o bíí zaŋnu tɛ duk kɔ‘i nɛ́ desee; ɛ́nɛ́ tɛ ya nɛ̀ ɗaŋsee, ɓɛɛ ɗaŋsee k’ɛ́nɛ́ tɛ kpai nɛ̀ desee.