Popular Bible Verses from LUK 4

Share

«Ɔmi ko Gasa Wan a̧a̧ zu'm wen a̧ tɛna nɔ̧́ a zu'm, A̧ toma'm ha̧‘m mɛ́ tɔ̧ De Mbe Wen ha̧ o wi-kɔsa, ha̧‘m mɛ́ tɔ̧ ha̧ o bara'e, wa tɛ́ kpa zu, ha̧‘m mɛ́ tɔ̧ ha̧ o wi-boma-yí‘e, wa tɛ́ zɔk mɔ, ha̧‘m mɛ́ gbo o wi-bɔnɛ yinɛ, ha̧‘m mɛ́ tɔ̧ pɛ nɛ̀ Sɔ̧ tɛ́ de nɛ̀ kó ha̧ o bíí.»

Ɓɛɛ Jesu kifi nú ha̧ a̧: «Yɔramɔ tɔ̧a̧‘e: ‹Mɛ tɛ gasi nɛ́ Gasa Wan Sɔ̧ kɔ-mɛ, ɓɛɛ mɛ ɗafa nɛ́ a̧ kpɔk ɓɛɛ.› »

Ɓɛɛ Jesu kifi nú ha̧ a̧: «Yɔramɔ tɔ̧a̧‘e: ‹Bó nɛ́ brɛt ɓɛɛ a̧ tɛ de ha'i mɛ duk kpasa na.› »

Jesu kpaa ŋgai ko Sa̧a̧ Ɔmi; nɛ́ mɔ'ɔ n'aa pia ɗoŋ nɛ̀ ɗɔɔ Jurdɛn, ɓɛɛ Sa̧a̧ Ɔmi mgbɔ a̧ si ŋga-gbárà mɛ.

Ɓɛɛ Jesu kifi nú ha̧ a̧: «Yɔramɔ tɔ̧a̧‘e: ‹Mɛ beka we Gasa Wan Sɔ̧ kɔ-mɛ na.› »

Wan-ɗaŋmɔ wee a̧ tɛ mɔ lɛŋ takaɗi, ɓɛɛ yak e a̧ duk mɛ pii ɗoŋ tɛ ŋma ŋgimbi.

Nɛ́ mɔ'ɔ nɛ̀ Wan-ɗaŋmɔ baa a̧ si ŋgɔn mɛ, ɓɛɛ hee gɔma-yí ga usi o wan lɛŋ sɛn zu nù ha̧ a̧. Ɓɛɛ Wan-ɗaŋmɔ tɔ̧ ha̧ a̧: «Mi tɛ ha̧ ŋgai in gasa mɔɔ-wan zaŋnu’ɛ lɛŋ ha̧ mɛ, wen wa ee mɔ‘i er-am, ɓɛɛ mi nyɛma mɛ ha̧ ha̧ bíí n'am kɔ̧. Ɓɛɛ kà mɛ gas'am, mɔ‘i nɛ̀ oi-aa lɛŋ tɛ zii nɛ̀ mɛ.» Ɓɛɛ Jesu kifi nú ha̧ a̧: «Yɔramɔ tɔ̧a̧‘e: ‹Mɛ tɛ gasi nɛ́ Gasa Wan Sɔ̧ kɔ-mɛ, ɓɛɛ mɛ ɗafa nɛ́ a̧ kpɔk ɓɛɛ.› »

Hɔ-ɗoŋ-aa, a̧ mgbɔɔ Jesu si sɛn Jerusalɛm, ba a̧ e kɔ̧ ger Tua ko Sɔ̧, ɓɛɛ tɔ̧ ha̧ a̧: «Kà mɛ nɛ́ bòò nɛ́ Bem ko Sɔ̧, nɛ̀ mɛ̀ kpíɗí nɛ̀ kɔ̧́ ger tua’ɛ tik nù; wen Yɔramɔ tɔ̧ɔ̧ so'e: ‹A̧ tɛ tɔ̧ ha̧ o betom kɔ̧-a̧ mɛ pɛm mɛ.› Ɓɛɛ Yɔramɔ tɔ̧ɔ̧ woyo'e: ‹Wa tɛ tɔi mɛ nɛ̀ ŋgɔn, wen ká mɛ tɛɛ kɔ̧ naŋ-mɛ nɛ̀ ta.› » Ɓɛɛ Jesu kifi nú ha̧ a̧: «Yɔramɔ tɔ̧a̧‘e: ‹Mɛ beka we Gasa Wan Sɔ̧ kɔ-mɛ na.› »