Popular Bible Verses from LUK 5

Share

Ɗoŋ n'aa tɔ̧ɔ̧ wen kaɗi, a̧ tɔ̧ɔ̧ ha̧ Simɔŋ: «Mɛ̀ bá kombon si see dir yì, ɓɛɛ ɛ̀nɛ̀ pí̧ yɔk k’ɛ́nɛ́ wen baa zoro.»

Ɓɛɛ Simɔŋ kifi nù: «Wan-usi-mɔ, ɛɛ zɔka bɔnɛ mɛ zɛ hegɔɔ mɔ sa̧ nɛnɛ, ɛɛ ba géé baa ŋma mɔ na, ɓɛɛ hee mɔ'ɔ nɛ̀ ɛ́nɛ́ a̧ tɔ̧ ga, mi tɛ pi̧ o yɔk.» Nɛ́ mɔ'ɔ nɛ̀ wa pi̧i̧ yɔk, ɓɛɛ wa ba zoro nɛ̀ dɔka-a nyɛmna; ɓɛɛ yɔk kɔ-wa ku̧ naŋ ŋmana-a.

Jesu duka so yak si fara nɛ̀ bíí bo sɛnɛ na mɛ duk hi̧i̧ kɔfi nɛ̀ Sɔ̧.

Bo nɛ mi tɛɛ mɛ sa nɛ́ o wi-de-mɔ nɛ̀ yuwar-a na; mi tɛɛ mɛ sa nɛ́ o ɗaŋwi wen ha̧ wa mɛ kpai duka-a kɔ-wa.»

Simɔŋ Pierre zɔka hegɔ, ɓɛɛ gbɛ zugur nù ti Jesu, ɓɛɛ tɔ̧: «Ɛ̀nɛ̀ yú ká̧ tɛ‘m, Gasa Wan, wen mi nɛ́ ɗaŋwi!»

Ɓɛɛ Jesu kifi nú ha̧ wa: «Nɛ́ o wi-zɛɛ a̧ kii wan-nyina, nɛ̀ bó nɛ́ o bíí nɛ̀ duk nɛ̀ haya-tɛ na.

Ɓɛɛ wa dak o kombon kɔ-wa a̧ zan, e mɔ lɛŋ duk, nɛ́ ɗoŋ-aa.

Hee mɔ'ɔ nɛ̀ Jesu duka tɛ ŋma ye ga, ŋma bíí nɛ̀ doko a̧a̧ tɛ̀ lɛŋ duka so hi̧i̧ mbɛt. A̧ zɔka Jesu ɓɛɛ a̧ tik nù gú yí nù, ɓɛɛ ai nú ha̧ a̧ hee mɔ'ɔ ga: «Gasa Wan, k’ɛ̀nɛ̀ nɛ́ kɔ̧a̧, ɛ́nɛ́ nyɛma mɛ de ha̧ tɛ‘m mɛ sa̧.» Nɛ́ mɔ'ɔ nɛ̀ Jesu nyɛi̧a er tam tɛ a̧, ɓɛɛ tɔ̧: «Mi kɔ̧ɔ̧ hegɔ, tɛ-mɛ a̧ sá̧.» Ɓɛɛ doko kaɗi tɛ a̧ tɛ kpɔk kale ŋgimbi'i.

Nyɛrɛmɔ ko Jesu hura siti gan kuti-a, ɓɛɛ giiwi tɛ nɛ̀ dɔka-a mɛ zii wen kɔ̧-a̧ in ha̧ a̧ mɛ kpasi wa tɛ zɛɛ kɔ-wa.