Popular Bible Verses from LUK 6

Share

Ɛ̀nɛ̀ há̧ mɔ ha̧ bíí, ɓɛɛ Sɔ̧ tɛ ha̧ mɔ h’ɛ́nɛ́: Sɔ̧ tɛ a mɔ dun ao gbol, i̧si̧ gbai a kɔ̧́ laa k’ɛ́nɛ́, wen nɛ́ ao n’ɛnɛ tɛ we nɛ̀ mɔ ha̧ bíí, a̧ Sɔ̧ tɛ we nɛ̀ mɔ h’ɛ́nɛ́ mbɛt.»

Wi-de-demɔ de nɛ demɔ nyɛm nɛ̀ ɗoŋ demɔ nɛ̀ a̧a̧ kɔ̧́ see-aa; ɓɛɛ ɗaŋwi de nɛ́ ɗaŋmɔ nyɛm nɛ̀ ɗoŋ ɗaŋmɔ kɔ̧́ see-aa; wen nɛ́ mɔ nɛ̀ duk kɔ̧́ see-wi a̧ nú-wi tɔ̧.

Ɓɛɛ k’ɛ́nɛ́, ɛ̀nɛ̀ kɔ̧́ wisɛn k’ɛ́nɛ́, ɛ̀nɛ̀ dé demɔ, ɛ̀nɛ̀ há̧ mɔ ha̧ o bíí, ɓɛɛ k’ɛ́nɛ́ zɛm mɔɔ-oi-aa na. Mɔɔ-oi-tom k’ɛ́nɛ́ ɔ gasa, ɓɛɛ ɛnɛ tɛ ya nɛ́ o bem ko Wan nɛ̀ a̧a̧ si ŋgɔn mɛ, wen kɔ̧-a̧, a̧ de nɛ́ demɔ in o wi nɛ̀ de osoko na in o ɗaŋwi mbɛt.»

«Ɛ̀nɛ̀ dé ko ha̧ o bíí hee mɔ'ɔ nɛ̀ Dáà k’ɛ́nɛ́ de nɛ̀ ko ha̧ o bíí'ɛ ga.

K’ɛ́nɛ́ ɓa wen in bíí na, ɓɛɛ Sɔ̧ beka ɓa wen in'nɛ̀ɛ́ na; k’ɛ́nɛ́ gɔn kita zu bíí na, hegɔ Sɔ̧ beka gɔn kita zu'nɛ́ na; ɛ̀nɛ̀ é ɗaŋmɔ ha̧ bíí, ɓɛɛ Sɔ̧ tɛ e ɗaŋmɔ h’ɛ́nɛ́ mbɛt.

«Ɛ́nɛ́ o wi nɛ̀ zii wen kɔ‘m’ɛ, mi'e ndé, ɛ̀nɛ̀ kɔ̧́ o wisɛn k’ɛ́nɛ́, ɛ̀nɛ̀ dé demɔ in o wi-sɛn'nɛ́, ɛ̀nɛ̀ tók de yoŋgo zu bíí nɛ̀ fom'nɛ́, ɓɛɛ ɛ̀nɛ̀ kɔ́fí Sɔ̧ wen o bíí nɛ̀ de ɗaŋmɔ in'nɛ̀ɛ́.

Mɔ n’ɛnɛ kɔ̧ɔ̧ ha̧ bíí mɛ de h’ɛ́nɛ́, ɛ̀nɛ̀ dé kale mɔ‘i ha̧ wa mbɛt.

Kà bíí nɛ́ mbɛra ká̧ yí-mɛ́ kpɔk, ɓɛɛ nɛ̀ mɛ̀ é ɓii-aa ha̧ a̧ mbɛ́r; kà ŋma bíí nɛ́ baa gasa laa kɔ-mɛ, ká mɛ dor geɗek-a er-a na. Kóó o ndé nɛ kɔfi mɔ er mɛ, mɛ̀ há̧ ha̧ a̧, ɓɛɛ kà ŋma bíí nɛ́ baa mɔ kɔ-mɛ, ká mɛ ak mɔ‘i woyo na.

«De te wai ɗaŋ waya-a na, ɓɛɛ ɗaŋ te wai de waya-a na mbɛt.

Wi iŋ ti te nɛ̀ waya-a; wi ɓi mbɔra tɛ mgboi-gata na, kóó waya-nyak-dɔ̧ɔ̧ tɛ tɛn-dara na mbɛt.