Popular Bible Verses from MARK 9

Share

Ɓɛɛ Jesu tɔ̧ ha̧ a̧: «Mɛ‘e: ‹Kà‘m nɛ́ nyɛma mɛ de ŋma mɔ› nde? Ŋma mɔɔ-gan wi nɛ̀ kɔ̧ɔ̧ ɗɔaa ha̧ Sɔ̧ bo na.»

Ɓɛɛ dáà ko bem’ɛi tɔ̧ nɛ̀ hee-ger'e: «Mi kɔ̧ɔ̧ ɗɔaa ha̧ Sɔ̧, ɓɛɛ ɛ̀nɛ̀ gbák am ha̧ kɔ̧ɔ̧ɗɔɔwen kɔ‘m mɛ dɔk gan kuti-a.»

Jesu sii ɗoŋ kɔ̧́ tua kaɗi, ɓɛɛ o ŋgaiwi kɔ̧-a̧ ak a̧ ɛ̀nɛ́-a: «Ɓɛɛ nɛ̀ war k’ɛ́ɛ́, ɛ́ɛ́ nyɛm so mɛ ndak ɗaŋ-sɔ̧-doe'i na, wen ge?» Jesu kifa nú ha̧ wa: «Pɛrti ɗaŋ-sɔ̧ hegɔ‘i, wi kɔfi nɛ́ Sɔ̧ ndak nɛnɛ ɓɛɛ!»

«Tɔŋ nɛ demɔ, ɓɛɛ kà kpɔra tɔŋ nɛ gboo kaɗi, wi tɛ de hee ge ha̧ a̧ mɛ kpɔr woyo ge? Duka-a k’ɛ́nɛ́ a̧ hɔ ŋmaa in nyɔŋmɔ nɛ tɔŋ a̧a̧ sɛnɛ, ɓɛɛ ɛ̀nɛ̀ ya nɛ de-a in o ŋmaa.»

«Wi nɛ̀ kpɛk ŋma geɗek bem, hee bem’ɛ ga, nɛ̀ nin-am, wi’ɛi kpɛk nɛ‘m; ɓɛɛ wi nɛ̀ kpɛk am, bó nɛ́ mi a̧ a̧ kpɛk na; a̧ kpɛk nɛ́ wi nɛ̀ toma'm tɛnɛ.»

Wi nɛ̀ tɛ ha̧ yí-nɔɔ h’ɛ́nɛ́ wen ɛ́nɛ́ nɛ́ bíí ko Krist, nɛ́ kpasawen a̧‘m tɔ̧ h’ɛ́nɛ́, wi’ɛi tɛ kpa mɔɔ-oi dee demɔ kɔ‘i.»

«Wi nɛ̀ tɛ de ha̧ ŋma bíí mgbara o bem nɔ'ɔ, nɛ̀ kɔ̧ɔ̧ ɗɔaa ha̧‘m’ɛ, mɛ́ de ɗaŋmɔ, gana so a'i kún zɔm dita ta-hɔ̧n-mɔ ger-a pi̧ a̧ ɗɔɔ ɗuka dir gba-tɔp.

Kà yí-mɛ nɛ́ ɔra mɛ mɛ de ɗaŋmɔ, nɛ̀ mɛ̀ sɔ́kɔ́ɗ‘a yinɛ, wen gana so ha̧ mɛ mɛ ye tɛ Wan ko Sɔ̧ nɛ̀ kpɔk yí, bá nɛ̀ pi̧i̧ mɛ nɛ̀ oi yí-mɛ yiitoo sɛn kɔ̧́ wee Gehɛn.