Popular Bible Verses from ZYAŊ 16

Share

Mɛ̀ɛ ǹkpaa mìni ɓìɓan ɓiǹ lɛ, ɓi ɓa rì fyòoog a lɔ̀ŋkɛm̀. Ɓì ɓiì ɓaà rì ǹ-yeesɛ̀n ɓi ziinɛ nni sììriina mɛ̀rem, mɛ̀ m̀mɛ yag ziinɛ ɓi-tèɗ.

Lɔŋ yɛ̀ɛ Nghay à ɓɛ̀kɔɔ̀kɔɔ̀ ɓɛ ɓiɓan a ri yù, à ri rèsi mini saaɗ bimiɗ. Lɛ, àa kpaa ɓi mini ɓìɓan ɓi nyimiɗ yɛɛ ɓekii lɛ a kpaà, à rì lɔŋ mini ɓiì kpaà ɓìɓan ɓìcèm ɓi à woogh, à ki kpaa mini ɓìɓan ɓi ɓi ghɛɛ̀sɛɛ kì kìlɛɛ ɓi mɛ̀ru mɛ asu.

À kpaŋ ɓigomìnɛ, ɓì ka tɔg ɓi com kidɛŋ ɓi ɗii ɗyɛ̀m. Tɔɔghna, ɓɛɛ fa mìni, di fɔɔnnɛ kìnyàà kin kɛɛ roǹ.

Ǹsoò fɔlɔɔ, ǹkpaa mìni saaɗ lɛ ki ri mìni kìrɔɔ lɛ nkɛǹ; lɛ i ǹkɛ̀ɛ ɓi, m̀maasì-mɛ̀rem à yin lɛ à yù a lɔ̀ŋkin; wɔ̀lɛ i ǹkɛ̀ɛ, ǹɗom yì mìni nyì. Nni yɛ̀ɛ à ri yù, à ri konag ki rèsii ɓumɓɛ ɓi ziinɛ lɛ, mɛ̀yitì maa ɓi kìɓan ki kiɓe, rì ɓi saaɗ, rì ɓi rìren ɗi ɓiɓan ɗi Bɛ̀ll, mɛ ri kìtɛ̀ŋtɛ̀ŋ.

Fɔlɔɔ nnɛ mìni girig bì rì rì ǹɗemi-kɛŋɛn ɓigomìnɛ, kìɓan kifog ǹɗi ghɛɛ̀di mini. Nni yɛ̀ɛ ǹɗi ghɛɛ̀di mini, mɛ̀rem min mɛ ri wog kinyàà, mum àa ki ɓàtɛn ti ɓi mini kìnyàà kiǹ. Ŋwos anɛ̀n, ɓyàa tɔg ti ɓi mɛ kìɓan. Ǹkpaa mìni ɓi saaɗ lɛ: Com kìcèm ki ɓì ri tɔg Tààta, à ri fa mini kɔ ɓi ɗii ɗyɛ̀m.

Ǹkalii mìni saaɗ à rìkalì lɛ ɓì ɓiì kìi lɛ ɓì rèn, ɓì ki seeghkɛn, ziinɛ yɔ̀ɔ̀ nyàànyàà. Ɓì ri ɓa ri ǹɗemi-kɛŋɛn, kìɓan kifog ǹɗem win wu kɛŋɛn wu ɓiì lɔ̀ɔ̀ghrɛɛ kinyàà.