Popular Bible Verses from LUKAS 6

Share

Faana ɓum ɓyom fɔɔnnɛ Bɛ̀ll à rì girig mìni ɓiì faà ɓi coo vèg ìnɛ ì rì ǹɗonɛn lɛ pisa, ì ki ɓa ǹnɔ̀rakɛn, ì rààràà; vèg ìnɛn yɛɛ̀nɛ ɓɛ ri wɔ̀ ɓiì sùùrii ɓyom ɓi ɓàm à kìlàà kɔɔ; ɓisuulɛ vèg ìnɛ ù ti ù fèkì ɓɛ̀ro ɓyom miì, yɛ̀ɛnɛ ɓɛ ri girig wɔ̀ ɓyɔ ɓiì fèegh miì.

Syeesyee à mum à ti à kìlàg ɓìɓan ɓi syeesyee lɛ, à rì rì syeesyee à ǹɗem; kìɓeɓtàg ki mum ki kilàg ɓìɓan ɓi ɓeɓtɛn lɛ, ki ri rì kìɓeɓtàg ki ǹɗem, lɛ ŋwɔm wu mum wɛɛ̀ kpaakpaa kiɓan ki ki roni nyi ǹɗem.

Kìɓan kifog, keesiina ɓɛ̀bènàbena ɓin, ɓì kìkì ɓɔ kìrɔɔ, ɓì ki ɓɔ̀rag ɓum ɓyom, kɛ̀ ɓi mìngi tityɛɛ lɛ, ɓɛ ri mìni ɓiì pɛ̀ɛ̀zii ɓyɔ. I ɓì kìi fɔlɔɔ, mɛ̀lèɓ min mɛ ri ɓiì tèghɛɛ, ɓì ki ɓa ɓɔn ɓɛ Bɛ̀ll ànɛ à teŋmɛɛ kɛ̀ɛ̀ vèg ɓisuulɛ, nyii rilàg rì geesɛ̀n ɓi ɓɛg ànɛ a ɓɛ̀tènteǹ rì ɓɛ̀kìì-rìgɛn.

Ɓaana rì ǹɗem wu nyìighnyìg lɔŋ yɛ̀ɛ Seŋi wìn a rì rì ǹɗem wu nyìighnyìg.

Kɛ̀ ɓi ɓa ɓɛ̀yɔ̀mì ɓum fɔɔnnɛ Bɛ̀ll àa yɔ̀m ɓì mini; kɛ̀ ɓi fa ɓum zɔɔ, fɔɔnnɛ Bɛ̀ll àa fa ɓi mini zɔɔ; cenɛɛna ɓɛ̀geni ɓin, fɔɔnnɛ Bɛ̀ll à rì mìni ɓiì cenɛɛ.

Wɔ̀lɛ, ǹkalii mìni ɓɛ ɓi wowog mɛ lɛ, keesiina ɓɛ̀bènàbena ɓin, ɓì kì ɓumɓɛ ɓɛɛ̀ ɓèeɓeèzɛ̀n mìni kìrɔɔ. Màŋina ɓumɓɛ ɓɛ ti ɓɛ cɛmgì mìni, ɓì ɓɔ̀ŋzàg ɓisuu ɓɛroɓɛ ɓɛɛ̀ tɔtɔɓ mini.

Kìɓan ki ki kɔni wɔ̀ lɛ ɓum ɓɛɛ kilag wɔ̀, wɔ̀ kìlàg girig ɓɔ kɔ̀.

I mum à ɓoogh wɔ̀ ɓi rìtam ɗi kimɛŋ, fati nyi ɗi weèlem; i ŋwaà ɓàtɛɛ wɔ̀ rìga, càra nyi a teèti bùɓi yɔ̀ɔ̀. Mum ǹcèm ànɛ à lɔni wɔ̀ com, faa nyi kɔ̀, fɔɔnnɛ ŋwaànɛ à ɓàtɛɛ wɔ̀ com, kɔ̀ɔ tɔg nyi lɛ a pɛɛ̀zi wɔ̀ kɔ.

Syeesyee à kìte a maà wum ɓi ɓiɓeɓtàg ɓi ɓiɗùn, ǹsoò kìɓeɓtàg ki kite, ki yin lɛ ki wum ɓìsyeesyee ɓi ɓiɗùm.

Lɛ ɓɛɛ̀ yilag kite kicèm ɓi ɓìɗùn ɓi kɔ. Ŋwaà yin lɛ à kɔs dii ɓi ǹɗyèm wu gay, ǹsoò lɛ à kɔs gin ɓi nɗyèm wu keŋ.