Popular Bible Verses from LUKAS 5

Share

Yɛ̀ɛ à lègsìghà ɓìtòkì, nni à kpaaghà Simɔn lɛ: Tyɛ̀ɛ̀ti kìkɔm ɓi dim ì rìɓày, ɓi pìg dam wɔɔ, ɓi ɓan ɓìzɛn.

Simɔn à ɓàg nyi lɛ: Ǹɗèsàg, tyàa lali cem ɓi dam ì m̀pìghɛn, tyɛ̀ɛ̀ ki ɓan com, nni ǹɗì ɓiì pìigh dam lɛ yɛ̀ɛ wɔ̀ yɛɛ kpaa. Yɛ̀ɛ ɓɛ pikà dam, nni ɓɛ ɓangà ɓìzɛn lɛɛ̀gwey lèg ànɛ lɛ dam yaa yi tuùtùnɛ̀ngà.

Kìɓan kifog Yeesus nyii ǹti à kɛ̀ngì ɓi ɓìlɛŋ ɓi jaŋ, à kìkì bɔ̀ŋzɛ̀n wɔɔ.

Ǹ-yùghà ɓi ki reŋii ɓumɓɛ ɓɛ ri lɛ saaɗ, lɛ ɓɛɛ lɔɔ̀ghrɛn mɛ̀rem, lɔŋ ɓɛ̀kìì-kìɓe ɓɛɛ̀ɓɛ ǹ-yùghà kì reŋii.

Yɛ̀ɛ Simɔn Pyɛɛri à ghɛngà fɔlɔɔ, nni à ɓakà Yeesus mɛ̀ɗu asu, à kpaa lɛ: Kan, pɛ̀sɛn mɛ̀ jàŋbog, ɓisuulɛ ǹɗì ǹkìì-kìɓe.

Yeesus à ɓàkà ɓɔ lɛ: Ɓɛ̀roroɓ ɓɛɛ ti ɓɛ ɓalàg ɗì zày ì dɔgtà, àa ɓumɓɛ ɓɛ rì lɛ syeesyee.

Yɛ̀ɛ ɓɛ sugtighày rì ɓìkɔm a cɛɗ, nni ɓɛ càɗkà ɓyom ɓìcèm ɓɛ nɔɔ̀tì Yeesus.

Yɛ̀ɛ Yeesus à ɓaghà ɓì bàn ìdɛŋ, nni ŋwaàdɛŋ ànɛ kwiy à ɗyɛɛrɛ̀ngà nyoo bimiɗ à ghɛngà nyi, à kpì nyi a mɛ̀kòò, à ɓag ìsu ɓi zi, à ɓɔŋzì nyi lɛ: Ǹɗèsàg, i ki kɔni wɔ̀, kìya ɓà lɛ mɓati lɛ syeesyee ɓi nyoo yɛ̀m. Nni Yeesus à nàmgà càg, à kòm nyi, à kpaa lɛ: Ki kɔni mɛ̀ fɔlɔɔ, ɓati lɛ syeesyee ɓi nyoo yɔ̀ɔ̀; kwiy a ghàs nyi kì lèegh ɓi nyòò.

Rìkem ɗi Yeesus ɗi kɛnkɛ̀ngà lɔŋ asu di ɗyɛɛ̀ sààsàà. Ɓum ɓɛ nti ɓɛ taŋzàg ɓyoo gwìy lɛ ɓɛɛ wowog ɓìtòkì ɓii, rì tì lɛ, a wɔɔ̀zi ɓɔ tìroɓ tyaa.