Popular Bible Verses from MARIKUS 5

Share

Nni Yeesus à kpaaghà nyi lɛ: Iyà, rìgherɛ̀n ɗyɔɔ ɗi ghɛɓsii wɔ̀, kɛ̀na lɛ fyòoog, ù wɔni fìroɓ fyɔɔ yaà.

Nni giɓ adɛŋ ànɛ à roròɓkà fìroɓ fi lɛ, bwaɓ yi kpaŋkpàŋ nyi ɓyààmɛ̀n ɓìcèm à ɓaghà wɔɔ; fìroɓ fìn fi ɓaghà di fyaa finɛn bèg ǹtèɗ rì yiɓɛɛ̀. Giɓ anɛ̀n à ɓaghà di à mɛ ghɛn ntɔɓ lɛɛ̀gwey ɓi rìdèŋdèŋ ɗi a ɓɛ̀kìì-boòboo lɛɛ̀gwey à ki yogsi ɓɔɔ ɓyom ɓii ɓɛ̀cèm ɓɛ à ɓaghà rì ɓɔ, ɓi fìroɓ fii, kìɓan kifog fi kɛnkɛ̀n lɔŋ nyi ɗì rìroròɓ rì ìtèɗ.

Ɓi cààmɛ̀n kɔm̀ kiǹ, bwaɓ yi ghàs kì renɛɛ rikpaŋ ɗi giɓ anɛ̀n, à wog yɛ̀ɛ nyoo yìì i fɛmɓɛɛ, à ghɛn lɛ à wɔ̀ni fìroɓ fii.

Nni à ɓangà ŋwɔɓti ɓi càg, à kpaa nyi lɛ: Talita kumi! Yɛɛ lɔɔ lɛ, Ŋwutyàà-giɓ, ǹkalii wɔ̀ lɛ pɛ̀sɛn aɗyòò.

Di Yeesus à kaka à totòg fɔlɔɔ, nni ɓum ɓɛdɛŋ ɓɛ pɛsɛ̀ngày a mɛɛ mɛ Zyayirus, ɓɛ yu nyi ki kpaa lɛ: Zyairus, gɔ̀n yɔ̀ɔ̀ i mɛ maasì; kɔ̀ɔ yeesi ti ǹɗèsàg zɛy. Wɔ̀lɛ Yeesus à nɔ̀ɔ̀tìghà ɓi rìkpaa ɗiǹ à kpaaghà lɔŋ ǹlàmì naà-bɔ̀ŋzɛ̀n lɛ: Kɔ̀ɔ risi, ɓaya lɔŋ ri rìgherɛ̀n.

À kalìghà fɔlɔɔ lɛ Yeesus à kpaakpààghà nyi lɛ: Kìɓeɓtàg ki ǹghay! Kpaŋa ɓi ŋwaànɛ! Nni Yeesus à tɔkà min nyi lɛ: Ù rì ɗii lɛ ghɛn? À ɓàg nyi lɛ: Ǹɗì ɗii lɛ: Kìtuu, ɓisuulɛ tì tèghɛɛ lɛɛ̀gwey.