Popular Bible Verses from Jâŋ 14

Share

«Ju ɗóóŋ móò á mɨ nakɨ́so nyí ɗàrɨ́. Mɨ mɨ nyí nàwá ju ɗóóŋ kɨ́ hȩ nùb ɗɔ̀bɨ́nné du nàniì. Nyí nɨ sum lòm, nyí nɨ vùù ô.

Yésù ɨ́ tànà ŋgə́: «Mɨ du jɨ̀r á, mɨ àmɨɨr á, mɨ ɨ́ du nànɨ mè ru. Sàmàìn nò kù féín yɨ́ Táà ɓè nò kɨ́ du mɨ tùwáá ɗàà.

Yésù ɨ́ tànà nɨ̀fuùb noò ɨnè: «Nyí nɨ sum lòm, səŋnáam gíí ɓe Mèín. Nyí a sə̀ŋɓwê gíí ɓe mɨ.

Nyéhè Sarîn ɓa nyí kpɔ́knɨ, Tá moò ɓa tómwònɨ gò mɨ cə́ndɨ̀nɨ rè ɓa nyí tɔ̀ɔ̀nànɨ nɨ́ɨ́b lâs á, ŋgə́ a vùùŋcùnà nyí nɨ́ɨ́b lâs mɨ ya nyinna nyínè.

«Nò gə́tɨré ɓíì moò sumí, ɨ́ jə̀ŋ nɨ́m mɨ taré, nò ɗú mé á. Tá moò ɓa ɗúnɨ nò ɗú mé á; mɨ ɓa nò kɨ́ ɗúɓwênɨ á, mɨ a dù mɨ́ ŋgə́ síí yòònàr.»

Mɨ ɓa ɓwèìnɨ bɨ̀bá ŋgə́ tómwònà nyí nò kpɔ́k nyínè á, àm ŋgə́ a dù ɓe nyí ɓwâ lâs. Nò kɨ́ du Nyéhè Sarîn du túùmnànɨ nɨ̀vɨ́tɨ̀b àmɨɨr Mèèín á. Sàmàìn nùb ɗɔ̀bɨ́nné ə́mne ŋgéé ɗàà, ɓetí ŋgáb bɨ ŋgə́ pénɨ ɗàà, ŋgáb cè bɨ́ ŋgə́ ɗə̀ə̀ŋwá. Ɨ́dù kɨ́ nyínè, nyí ɗəəŋtɨ́ nɨ́ ŋgə́, ɓetí ŋgə́ ɓa dùnɨ ɓe nyí á, nyíne ŋgáb a dù ɓaín.

Nyí ɨ́ ɓwèì mɨ nɨ́m àm nyí du nɨ̀fuùb moò, mɨ ɓa ndɨ̀ŋnɨ nɨ́m kɨ́ á, àm mwin a túmnè mgbíí Táà. Nyí ɨ́ ɓwèì mɨ nɨ́m àm nyí du nɨ̀fuùb moò, mɨ ɓa ndɨ̀ŋnɨ nɨ́m kɨ́ á.»

«Nyí ɨ́ dù mɨ ɗúnɨ, nyí ɓa jə̀ŋnɨ ɓíì moò á.

Yɨ́ juù á ví̧i̧ tá moò yó, mɨ gɨ nyí nyààŋkɨ́nànɨ yɨ́ juù á. Tɨ dùyè àmɨrì sé, mɨ yè mɨ́ nyí tànàwá.

Ɓwâ mɨ ɓa gìnɨ nyí nyààŋkɨ́nànɨ yɨ́ juù, mɨ ɓa cùwònɨ á, mɨ a gò nyí gècùnɨ, ɓwâ kɨ́ yɨ́ mɨ duré nyí a dùɓwéhè.

Á Tòmâ tana ŋgə́: «Kéké, yɨ́ wu du gìniì, nɨ́m ɗə̀ə̀ŋɓàyèwá, jɨ̀r gɨ kwe á nɨ́m ɓa ɗə̀ə̀ŋgɨ̀nɨ ru à?»