Popular Bible Verses from Jâŋ 15

Share

Mɨ du hȩ yɔ̀ á, nyí cè taàm á. Nò du ɓaín ɓe mɨ, mɨ ɨ́ dùcè ɓaín ɓe ŋgéé á gòmɓànɨ cei, ɓetí sàmàìn nyí ndɨŋ nɨ́m kù ɓè mɨ du nyí kpɔ́kwaá ɗàà.

Dunáam ɓaín ɓe mɨ hȩ mɨ duce ɓaín ɓe nyínè. Sàmàìn tam yɔ̀ɔ gom ɓè ŋgə́ du ɓaín ɓe mɨ́cɨní ɗàwáá ɗàà. U̧ á ɓwê du ɓe nyí, nyí ɨ́ dù nɨ́ ɓaín ɓe mɨ ɗàà, sàmàìn nyí na gumí nɨ ɗàà.

Nyí ɨ́ dù ɓaín ɓe mɨ, nyí ɨ́ gə́tɨ̀rê tɔ̀ɔ́ móò nyínè njɔ̧̀, ɓweináam Tá moò nɨ́m nyí ɗúré, nyí ɓa kwànɨ á.

Nɨ nyí sé yi ca mɨ, ɨ́dù kɨ́ moò mɨ caá nyí, mɨ ɨ́ tôm nyí gɨ̀ nànɨ gum cei, gum du ɓwèìnnɨ ɓweín ɗàwáá. Hȩ du u̧nèé, Tá moò ɓa nyí nànɨ nɨ́ɨ́b lâs nyí ɓwei ŋgə́ àm nyí du nɨ̀fuùb moò á.

Ɗûnɨ́m jíri nɨ̀vɨ́tè fɨ́tɨ túùmniì á kàìkîí mè noò ɓe ɨ́r kùb ɓwàjìbì.

Taàm du mɨ ya, ɨ́ dù nɨ́ gòmnɨ ɗàà rɨ, ŋgə́ a tȩ́nɨ̀kî. Taàm duce gòmniì, ŋgə́ a nyàŋhȩ̀ ŋgáb àm ŋgáb a gòmɓà ceí.

Ɓíì moò á rè: dunáam ɓe ɗûnɨ́m mvókín nyínè no hȩ mɨ ɗúce nyínè.

Nanáam gum ví̧i̧, nyí a dù nɨ̀fuùb moò, u̧ á nyí ɓa túùmnɨ mgbíí Tá moò ru.

Yésù ɨ́ tànà nɨ̀fuùb noò ɨnè: «Mɨ duɓa hȩ yɔ̀ á, Tá moò cè nɨ̀mɨr yɔ̀ kíì.

Nò du nɨ́ ɓaín ɓe mɨ ɗàwáá, kùb a lèèhô̧ ŋgə́ lúu hȩ tam yɔ̀ɔ, ŋgə́ a cə́ŋkî. Taàm cɨ́ŋni, kùb á árɨ̀nɨ lèèrénɨ wa̧á̧, tòŋkɨ́nɨ.

«Mɨ nyinna nyí nɨ́ɨ́b kɨ́ àm nyí a ókɓwêɓà mɨ̀tù hȩ du mó sumíì, ɗà mɨ̀tɔ̀k nyínè kɨ́ a dùɓà yúklɨ́nne á.

Nyí ɨ́ jə̀ŋ ɓíì moò, ɗûnɨ́m móò ɓa dùnɨ nyí ya hȩ mɨ jəŋ Tá moò, ɗûnɨ́m nóò duce mɨ ya rè á.

Nɨ́m mɨ ta nyí ndɨ̀ŋte á nyí dù ɓe ɗûnɨ́m mvókín nyínè no.»

Nyí tɨ dùyè nùb ɗɔ̀bɨ́nné, kùb yè á nyí ɗúnɨ, ɓetí nyí ók ɓe ɗɔ̀ɔ́b á. Ɨ́dù mɨ yi caá nyí, mɨ ɨ́ áhó̧kî nyí mvókín nùb ɗɔ̀bɨ́nné no. Nyí nɨ ɓe ŋgáb ókcɨ̀wá, àm kɨ́ á ŋgáb du nyí ɓə̀ndɨ̀nɨ ru.