Popular Bible Verses from Lúkàs 7

Share

Àm kɨ́ á mɨ wáana wu ɨnè: ɗûnɨ́m kàm jíri ŋgə́ du ɓe kí rè á túùmnɨ ɨnayâna, kùb tɨ́íkíí vùùm cuum tɨ ŋgéé sóò lâs. Nò kùb tɨ tɨ́ínaɗóo ŋgób lɨ́ á ɓwê túùmnɨ ɗûnɨ́m ti ŋgóbti.» Kí á Yésù ya tanagi nɨ̀gwi rè ɨnè: «Cuum wóò lâs á tɨ́in.»

Ɨ́dù Yésù ɨ́ tànà nɨ̀gwi rè ɨnè: «Ə́ə́m wóò ɓátií wu, gɨ̀ mîn yáà.»

Yésù yaá du̧ú̧ yɨ́ cɔɔ̀ŋ. Nɨ̀gwi rè ɨ́ gò gín Yésùù, ŋgə́ ɨ́ yà kɨ́ínɨ ɨ́sɨ̀m a ɗiséce Yésùù gure. Ŋgə́ ɨ́ pə̀kkî ɓe mvɨ̀tí nó ŋgwéné, ŋgə́ ɨ́ bì Yésù gurub, á ŋgə́ miiwú làmɨ́ndà ya.

Àm kɨ́ á mɨ tɨ ta mɨ́ nɨ ɗúwa mɨ nɨ̀mɨr mɨ gàìnsò wu ru, ɨ́dù nyinɗóhɨm nyindí mwi̧ ɗà nò mo ə́ré a ɓáì. Mɨ nɨ̀mɨr, nùb kɨ́k mé á ku, mɨ á ndóŋcé ɓe nùb mɨ kɨ́klé. Mɨ ɨ́ tànà nɨ̀mwi̧: ‹Gɨm!› ŋgə́ a gì, mɨ ɨ́ tànàcè nò kù: ‹Gom!› ŋgə́ a gò. Mɨ ɨ́ tànà nò mo ə́ré: ‹Ndɨŋ nɨ́m ndè!› ŋgə́ a ndɨ̀ŋ.» Ɓwâ Yésù ya ók nyindí kíì, ŋgə́ ɨ́ kúùmɓà mvèìn sójàbì rè, ŋgə́ ɨ́ ɓàndɨ̀cùrê kùŋkùŋ nɨ̀vɨ́tɨ̀bì ya tuwokom ŋgéé no, ŋgə́ ɨ́ tà: «Mɨ tanaɓa nyí wááŋ á, mɨ ə́ə́m kàm ndè pə́kɨ́yèwá, dùgɨ̀ ti Ísràyéèl no.»

Mvókín kɨ́ no cè Yésù ɨ́ wáŋhȩ̀ nɨ̀yáàb ví̧i̧. Nùb nyéhɨ̀b ɓáŋhɨ́b yi jáabkomndé, ŋgə́ ɨ́ wáŋhȩ̀ ŋgáb. Ŋgə́ ɨ́ kùùmcùnà ɓùɓú̧ù̧b íí. Á ŋgə́ tacuna nùb Jâŋ yi tómwo kɨ́ ɨnè: «Gɨnáam tànànɨ Jâŋ nɨ́m nyí pə́ré ɓe kɨ́ nyí óklé: ɓùɓú̧ù̧b á pə́cùnɨ, kɨ̀ɓóòb á gɨ̀cùnɨ gùr, njɨ̀njə́ə̀b lâs, njɨ̀ɨ̀b ɓoò sɨttɨ́. Mgbòŋtóob á ókcùnɨ, nɨ̀kwííb á sə̀ə̀mcùnɨ, nùb tiri á cè óknɨ Kìn Nyɔ̧ɔ̧́.