Popular Bible Verses from Lúkàs 6

Share

Nanáam nyər sàk sàk, Mèín a nàɓwêcè nyí. Jɨ̀r nyí na kùŋ nyínè nyər lɨ, Mèín ɓa nyí nàɓwênɨ u̧ á.»

Mîn nò nyɔ̧ɔ̧́ du ndɨ̀ŋniì fó̧ nɨ́ no njɔ̧̀ɔ̧ á. Ɓáŋhîn nò ɓáŋhîn duce ndɨ̀ŋniì fó̧ nɨ́ no njɔ̧̀ɔ̧ á, ɓetí nɨ́ɨ́b du njɔ̧̀ɔ̧ ɗéé á ɓɔ̧ du tàhó̧nɨ.»

Nɨ́m mwi̧, ɗúnáam nùb ɓi̧ní nyínè, nyí a ndɨ̀ŋ ŋgáb nyɔ̧ɔ̧́. Nàná nyamandì, nyí a dù nɨ́ káŋhɨ̀r. Nyí ɓa kwànɨ lɔ̀ɔ́ jíri á, nyí a dùcè munɨ́b Mèín nò du còóm cóo, ɓetí nyàŋnjɔ̧̀ noò duna lamjáar bɨ ɓe nùb ɓírí á.

Dunáam ɓe njɔ̧̀ nyɔ̧ɔ̧́, hȩ Tá nyínè duceré.»

«Nyí nɨ nò kù ŋgwìn, Mèín tɨ̀ ŋgwinɓwée nɨ́ nyí. Nyí nɨ nò kù àm ŋgwéé téìn, Mèín tɨ̀ téínɓwée nɨ́ kɨ́ nyínè ŋgwéné. Tɨ́ínáam kùŋ nyínè, Mèín a tɨ́íɓwêcè nyí.

«Ɨ́dù, nyí nùb du mɨ ókkɨ́ɓànɨ rè, mɨ tànà nyí, ɗúnáam nùb ɓi̧ní nyínè. Nùb jɨ nyínè, ndɨ̀ŋná nùb kɨ́ nyɔ̧ɔ̧́. Famnáam nùb káí nyínè. Nùb jóktɨce nyínè, nyí a yóŋnà nùb kɨ́ Mèín.

Ndɨŋnanáam kùb nɨ́m nyí ɗú kùb ndɨ̀ŋnàcé nyínè.

Nò kù ɨ́ láhè wu ɓɔ̧ɔ̧, ɓàndɨ̀nàcáàŋ ŋgə́ péín meré. Nò kù ɨ́ â júk ndoŋnɨri woò, njèìcáàŋsònà ŋgə́ kɨ́ wo sóò. Nò ɓwei wu nɨ́mí, nam nò kɨ́ nɨ́m ŋgə́ ɓwei kɨ́. Nò kù ɨ́ pɨ̀mnè nɨ́m wóò, mbɨ́ksònà nò kɨ́ nɨ́m kɨ́.

«Yɔ̀ nyɔ̧ɔ̧́ nɨ nànɨ gum ɓáŋhîn ɗàà. Yɔ̀ ɓáŋhîn cè nɨ́ nànɨ gum nyɔ̧ɔ̧́ ɗàà.

Kùb ɗəəŋ bɨ yɔ̀ ɓe gum noò á. Kùb bɨ kòŋnɨ sáá yɔ̀ ŋgamɨ́rí ya ɗàà, kùb cè bɨ́ kòŋnɨ loob ɗə̀b lúŋbí ya ɗàà.