Popular Bible Verses from Matiyu, echî 11

Share

“Kpe énê mân nnyo a kə̂n echóé oseŋe ejê a kêt, deê a bhá mbâ amé, mme tîk n káre yê oyoá-biji.

Kam ên na okpígha-ejûm obhámé. Tôp ên erû ejámé, ka mme m fonê ekpin í nyamḿ, biji ḿ bó yuŋ na obhigha-biji ka ekpin ejámé. Tîk o fôn ên oyoá-biji.

Etûm nji n kí karé ên é ká son kpe esonóm. Echóé nji n kí chi ên é bhó yup kpe eyúbhúm.”

“Ńsé omé a mághe iyîm chénchén ka obhô obhámé. Kpe nne yót nnyo a məŋê ekpin í Mmon cháŋ, é ká chiŋi Ńsé átíŋ. Nne fə́ne kpe yót nnyo a məŋê ekpin í Ńsé cháŋ, é ká chiŋi Mmon na ane fə́ne mba Mmon a sáŋe se á mə́ŋe Ńsé owe.

Nji á bhâ bhə́bhe Jisos, a táme ábho se, “Choŋ osə́ré ên Jon achot mma ó yen ên, na mma ó yuk ên. Ó yen ên atáná-amə̂t á yen mbá, abhə́né á rui ngyím, amaŋá-ofunum á son, ayághá-atûŋ á kí yuk mbá, ane mba á kpóe á chəbhe njəm ka ekpin, akpák ane á yuk otîp ogyebhá-ḿbə́ŋé Obhasi.

Nne mân nnyo a fonê atûŋ mma á yugha mbá, deê a yúk.