Popular Bible Verses from ṮAKWIIN 25

Share

Dhali Tap̱a ki owa yim gwo mo ki: Kal ’koni su/ e bwa ma dho’th pini mo, dhali ’kwani su/ gwan kun mina /e dho’th mo tani uni mini ḵwa/ bwa mo dhali jan ṯal ’de/ a’di imidi ’bitha’bi’th mo mmobola kamu/ e mo, dhali a’di jin ca’d a’di imidi mii ara kam to mo be.

Dhali Iisu ki owa Yakuub gwo mo ki: Dhalki aha/ nyoḵa ’tash pini yan jin cesa /e e ki ’per ’per mo haali/ aha/ muṯṯa/ ṯe/ is mo (gom gwo gi wakan mo tani a’di iyuḵkunu a’di gway ka Aduum mo).

Dhala Is/hak ’thoki’da Arumgimis gom ash mo, dhala Rip̱ka jin ta ash a’di yim bwaaki’d mo be.

Iisu thoḵki gwo mo ki: Aha/ mura wu ’te/ mo be. Mo ma bwanyara/ yan midi miiya ta gom aha/ mo? Yakuub ki o gwo mo ki: /E mini thul gwo me’da p̱o/ nṯwa/a/ gom aha/ mo, dhali wakan a’di thulki gwo me’da p̱o/ gom a’di dhali yol mo ma bwanyaran dho’th pitiŋ gana/ ka Yakuub mo be.

Dhali yan’ko’d mo tani akam p̱u’dki’d mo, dhali me’d piti bu’thki ’pena ṯiŋkila/ ma Iisu mo. Dhali gom gwo gi wakan mo tani a’di yuḵkunu gway ka Yakuub mo. Is/hak ’kona yil issi kwara mo me’d jin dho’thkin ma yim uni mo be.

Is/hak enki’da Iisu mo haali/ a’di ’kaki shum piti kun parkina a’di mo. Hila Rip̱ka enki’da Yakuub mo be.