Popular Bible Verses from ṮAKWIIN 26

Share

Tayi ac̱a/ eya ’cesh yan mo dhali aha/ mina di nyaḵki /e mo dhali ’bor /e mii mo, dhali gom /e mo dhali gom emen pini mo tani aha/ mina c̱i aris bampa/ gwan ki /e mo dhali aha/ mina thim gwom pem jin oka/ is mo mmothul gwo me’da p̱o/ goma Ibrahiim jin ta’da babam pini mo be ki

Aha/ mina mar emen pini is mo me’da cul gi momis mo dhali aha/ mina c̱i emen pini aris bampa/ yani ’baar mo. Dhali gom gway gi emen pini mo tani aris kal gi mony’cesh mini ’bor is buni mii ki uni mo be. Haala Ibrahiim haki gwo gi ’twam pem e mo dhali dhu gwo kun ḵanka/ a’di mo dhali gwoŋḵan pem mo dhali gwoŋḵan pem kun c̱inu ki ’twa/ mo dhali gwoŋḵan pem jin c̱inu mo be.

Dhali a’di so’kki’d mo ’peni mun mo dhali c̱wany jis yi’deŋ kamu/ mo dhali ap̱o/ c̱aan mo tani uni ’koki wal mo, dhali gom gwo gi wakan mo tani a’di ki yuḵ jis yi’de/ yan gway ka Rahubut mmo/o gwo mo ki: Tap̱a a’di ithosonki ana embul mo mo dhali ana shwane/ mina ḵal mamana dho’th mo e bampa/ yan mo be.

Dhali Tap̱a piki a’di i is mo, dhali o a’di gwo mo ki: Dhalku/ ki ya ka luŋgu’b bway Pa Masir mo. Hili c̱a’bi /e eya ’cesh jin miga/ ṯor /e mo.

Gom gwo gi wakan mo tani a’di nyaŋki’da gwaṯa/ jin miinuwa basa ’cesh mo e mun mo dhali yuḵ gway gi Tap̱a mo dhali thum gu’b burrinyem piti i mun mo. Dhali e mun mo tani c̱iŋkina/ ma Is/hak uni c̱wanyki jis yi’de/ ka ris mo.