Popular Bible Verses from MARKUS 10

Share

Haali/ Ya/ gi ’Kwani si’da/ p̱u’dki’d mo yisa ki a’di minu mii to mo, hili ki a’di midi mii ’kwani to mo dhali c̱i mondiki/em piti mo mmota Amanwan ’Kwani ’Ba/ ka ris mo be.

Yesus ki hil uni mo dhali o uni gwo mo ki: Ki ’kwani mo tani a’di molu mii mo, hili ka Arumgimis mo tani aris to ’baar mo mishu mii ka Arumgimis mo be.

Dhala Yesus ki o a’di gwo mo ki: Yaku/ i bway pini mo. Moŋgam gwo is pini a’di woṯẖki /e mo. Dhali ki jahanne/ a’di ki bu’th momish mo mo dhali baṯẖ a’di nsho’k ibway mo be.

Gom mii gi wakan mo tani uni gun gam ma Arumgimis isi monṯal ’de/ mo tani dhalku/ ki dhal wathiŋ kamu/ bway mo mmoḵwa/ uni bwa mo.

Dhala Yesus ki hil a’di ki e mo dhali en a’di mo dhali o a’di gwo mo ki: Ton ṯal ’de/ aṯẖa /e mo be. Yaku/ mo dhali yol aris tom pini ’baar mo kun tana /e mo dhali c̱iki uni ki ’kwani kun hatha’ko’d mo, dhali /e mini ta gi to kun mini ish ḵumma/ mo e momis mo, dhali yayu/ mo ma, mmobaṯẖ aha/ nsho’k mo.

Dhala Yesus ki o a’di gwo mo ki: Ata o /e bwa jin miga/ mii gom /e mo. Dhali wathiny ja’da/ ki o a’di gwo mo ki: Tap̱a, dhalki aha/ butha momish mom pem mo ma.

Hili mii yansan minu ’koki mii wakan ap̱o/ um mo. Hili a’diyin jin midi eḵa/ eḵ mo e bwam um mo tani a’di midi mii ta a’di jin midi mii um to mo be.

Ka jiŋ gana/ aha/ ṯora um gwo mo ki a’diyin jin midi diki bu’th Bampa/ ma Arumgimis mo mmowa e ka ’ci yan mo tani a’di midi diki se a’di mo be.

Hili aris uni gun ’koni ṯwa/a/ mo tani uni minu dhu ŋ’ko’d mo dhali uni gun ’koni ’ko’d mo tani uni minu dhu iṯwa/a/ mo be.

Hili ’peni ka muŋ’kup̱ jin uḵu to mo tani Arumgimis ki uḵ wathiŋ gwaṯẖ mo dhali wathim ’bomi mo be. Gom ’kup̱ gwo gi wakan mo tani a’di imina wathi/ idhal com ’pen mo dhali kum mo dhali gam is ki ashim piti mo be. Dhali uni su/ mina buŋgwar isi ṯal ’de/ mo be. Wakan uni doḵ/e yisa i’koni su/ doḵ/e yisa, hili uni ṯala buŋgwar isa ’de/ mo be.