Popular Bible Verses from MARKUS 13

Share

Dhali um minu shi/i e ki ’kwani ka ris mo gom gway pem mo. Hili a’di jin midi ’dim ’kup̱ mo ntagi ’pemen mo tani a’di iminu iwoṯẖ mo be.

’Cunycuri is bum ki ’bore/ mo ma dhali timi mo mo ma dhali ’thoyi mo ma, haali/ um ’koki mish mo mo atente/ jin mina mo p̱u’du/ mo be.

Dhali ki uni mini sus um mo e mo jin dwallu gwo mo dhali c̱i um wakan mo tani dhalku/ is ki anan mo nṯwa/a/ mo gom gwo jin mina umi o mo. Hili oyi a’diyin jin minu c̱i um ki mo yansan mo haali/ a’di diki ta um kun mini o gwo mo, hili Shi/in Dheleladhelel mo be.

Momis dhali mony’cesh mini pe mo tani hili gwom pem midi diki pe mo be.

Hili ka tente/ c̱aan mo walla ki mo c̱aan mo tani a’di dina wathin ṯal ’deŋ kamu/ ki mish mo walla iman’doyu gwo kun ’kon e momis mo walla Ya/ si’da/ mo, hili jasi Com a’di ’de/ mo be.

Dhali ki um mini ciḵ gwo gom mo/as mo dhali gom gwo jin ’ce’du ’te/ mo gom mo/as mo tani dhalku/ is ki anan mo. Gom to gwansan mini mii p̱u’du/ mo. Hili ’pemen yisa minu thim naskina/ mo.

Timi mo mo ma wakan – haali/ um ’koki mish mo mo jin mina com gu’bi p̱u’du/ mo. A’di wari midi ta mom’pimpili/ mo walla mombwam/e mo walla mo kun gwon ma dhoŋgola ŋwa mo walla mon’thamo/ mo. Hili isi ciki/ a’di midi p̱u’du/ ki jahanne/ mo dhali gam um ki um mala e mo be. Dhali a’di jin ṯorka/ um mo tani miga/ ṯor ki ’kwani ’baar mo ki: Timi mo mo ma.

Haali/ kala kamu/ midi cu mis ap̱o/ kala kamu/ mo dhali ’peŋkuman bampaŋ kamu/ midi cu mis ap̱o/ ’peŋkuman bampaŋ kamu/ mo. Dhali adhan mony’cesh midi yiḵin is ki mo ka ris mo dhali ṯe/ midi di mo si’da/. Hili mii gwansan uni ita jasi monṯel ’pen ki isa nyor mo be.

Dhali gwom ’borga/ minu mii c̱iki kal gi ’kwaniny’ceshi ’baar mo nṯwa/a/ mo be.

’Kwani tana ris ka ris mini iiyu/ ki gway pem mo mmo/o gwo mo ki: Aha/ tana a’di mo. Dhali uni mini sus tiya ka ris mmodheres mo be.

Hili ’cunycuri mii ki is bum ki ’bore/ mo ma. Haali/ uni mini c̱i um mo e montul is mo dhali um minu dor mo e gu’b gi montul is mo dhali um mini doshi bwambor imudhiir mo dhali imaliḵ mo gom gway pem mo mmoc̱i gwo ibwambori uni mo be.

Haali/ iḵrisṯẖos kun ’koki ta kuŋ gana/ mo dhali imanc̱i gwonthus mini cu mis mo dhali ṯor dhan jamas mii mo dhali dhan momer mo mmosusa susi dheres mo, waḵki/ a’di mishu mii si’da/ gom uni gun kwanykunu mo be.

Hili ka tee gwansan mo ’ko’di monṯo’c bwa mo tani atente/ midi dhurum mo mo dhali appe midi diki c̱i moŋkush piti mo be. Dhali arisa culi ’baar mo mini ṯa’k mo ’peni momis mo dhali mom’bi’th kun ’kon e momis mo tani minu pir is mo be.