Popular Bible Verses from MARKUS 14

Share

Dhali a’di o gwo mo ki: Abba Ababa. Aris to ’baar mo mishu mii ki /e mo. Ḵalka ḵubbaaya yan ’peni aha/ mo ma. Hili a’di yisa jin oyaa/ bwa, hili a’di jin ta bwam pini mo be.

Timi mo mo ma dhali ’koyi ki e i’kup̱ mo dhali ’thoyi mo, ki um mini ’koki cic̱ mo e mo jin palu mo. Shi/in ka jiŋ gana/ a’di ona bwa mo tani hili buŋgwar is a’di ihatha’ko’d ki ha’th mo be.

Dhali ka jiŋ gana/ aha/ ṯora um gwo mo ki: E mo yin jin minu c̱i gwom ’borga/ e mony’ceshi ’baar mo tani a’di jin miikin ma yim mo tani minu ṯor mo mmokaa yim e mo be.

Dhali a’di ki o uni gwo mo ki: Aḵashiram pem diṯa bwa ki diṯ kagahara mo, ma isi kan mmowu moyi. ’Koyi imahan mo ma dhali timi mo mo mmo’ko ki e i’kup̱ mo.

Dhali ki uni ’kokin mo mmoshwa to mo tani a’di ki bu’th maaŋḵuthu’d mo dhali ’bora ’bor bwa i is mo dhali ’ce’d a’di mo dhali c̱iki uni mo dhali o gwo mo ki: Budhi a’di yansan mo ma. A’di ta is pem mo be.

Dhali a’di ki budha ḵubbaaya mo, dhali ki a’di c̱iki mom’bora ’bor bwa i is mo tani a’di ki c̱iki uni mo dhali uni ’baar mo p̱iki a’di mo be. Dhali a’di ki o uni gwo mo ki: A’di yansan ta’da abas pem gi gwo jin gamu me’d jin ta jin this mo a’di jin wolki’d gom ’kwani ka ris mo be.

Dhala Yesus ki o uni gwo mo ki: Umi ’baar mo mini ṯa’k mo. Haali/ a’di ’kwarkunu mo ki: Aha/ mina ’kosha manhil ḵa’bal mo dhali ḵa’bal minu c̱eker bwa mo be.

Cuyi mis mo. Dhalki ana iina mo. Hila uma? Aman’ciṯẖaa/ is ki gwo p̱u’dki’d hila/ mo be.

Dhala Yesus ki o a’di gwo mo ki: Ka jiŋ gana/ aha/ ṯora /e gwo mo ki mon’thiny yansan shwane/ mo nṯwa/a/ ka dhoŋgola ŋwa diki ko e me’di su/ mo naskina/ tani /e mini waṯ aha/ gway me’di kwara mo be.