Popular Bible Verses from WOITEI 16

Share

Israellan-e imni te i, “Aope toman-e meitük ü-o me shotyange hüyange ülao hahying okpu shin-e hah ngoh, hüwante Egypt kahtok me Youngwanpa yak-e toman li ne tamteki she ngoh shih ma-a meihah shepu: hüpoi tüopa bangnyuha nopu sea nyaopuwe phao me litamlak numan-e toman woipei.” Hüwante Youngwanpawe Mosa te i, “Leihuyah, Taowe numan jingne wang mepu hahying yeine tamlak, hüyange kahtalan nokshao te yulak hüyange nyihjeih she nyih ja hahlak hahying wangpu shinne shaijemlak. Tüokih-e linge Taowe nyüoweleipu me iman woilak heiya yewoilakei Taowe tokke leilak.

Israel hayim banghalan khongkümpuwe wanwüng jeng me Mosa hei Aaron ni phei tüi-e ngu nga.

Hüyange Mosawe i, “Aope Youngwanpawe yaning me numante hahlak jingne mei hüyange napning hahlak jingne numan-e okpu shinne hahlak hahying phalakei, hüwante numan-e hangshin me I phei tüi-e yemeipe ngu ngayangki, lye jaiyangpu yang she numan-e, shinglak. Aope numan-e toman phei tüi-e ngu nga yapeih, numan-e ütingpa me Youngwanpa phei tüi-e ngu nganang.”

“Taowe Israel lanne ngu ngapu jaiteki. Imante hüke itüoh, ‘Wangngaiko me numan-e hahlak jingne mei tüolak, hüyange shomme numan-e okpu shinne hahlak hahying tüolak. Hüwante numan-e Taowa numanjing Kahwang, Youngwanpa she shinglak.’”