Popular Bible Verses from Luk 24

Share

Niŋgi quiye. Mondor Bole ijo Abu na nami nuŋgoq qariŋyqa marej qaji di e na qariŋyit nuŋgoq bqas. Deqa niŋgi qure endia tariŋoqniye. Tariŋosi soqnibqa laŋ goge dena siŋgila nuŋgoq bamqa niŋgi siŋgila osib sawa sawa kalilq dia ijo anjam minjre minjre laqniye.”

Yesus a endi sosai. A olo subq na tigelqo. A nami niŋgi koba na Galili sawaq di sosibqa bati deqa a niŋgi endegsi merŋgej, ‘E subq na olo tigelqai.’ Niŋgi aqa anjam deqa olo are qaliye.

Anainjrnaqa bati deqa naŋgi Yesus qa poinjrnaqa mareb, “Bole, tamo endi Yesus.” Degsi marnabqa Yesus a naŋgo ambleq na loumosiq ulaŋej. Ulaŋonaq naŋgi mareb, “Bole, aqo aiyel gamq di walwelosi gileqnamqa Yesus a Qotei aqa anjam nami neŋgreŋyeb qaji di aqa utru geregere plaltosiq mergeqnaqa iga qusim tulaŋ arearetgoqnaj.”

Onaqa Yesus na olo minjrej, “Qotei aqa anjam bei nami endegsib neŋgreŋyeb unu, ‘Kristus a jaqatiŋ koba osim moiqas. Moisim bati qalub koboamqa a olo subq na tigelqas.’ Nami e qa anjam degsib neŋgreŋyeb unu. Deqa niŋgi gilsib e qa mare mare laqnsibqa sawa sawa kalilq dia tamo uŋgasari naŋgi anjam endegsib minjroqniye, ‘Niŋgi are bulyiye. Yibqa Qotei a Yesus aqa ñam na nuŋgo une kalil kobotetŋgwas.’ Niŋgi tamo uŋgasari naŋgi anjam degsib minjroqnsib kumbra kalil e nami nuŋgo ŋamdamuq di yoqnem qaji deqa naŋgi sainjroqniye. Niŋgi Jerusalem dia wau utru atsib dena walwelosib sawa sawa kalilq dia ijo anjam minjre minjre laqniye.

Naŋgi gilsib ŋam ateb meniŋ kobaquja sub me getenteb qaji di waqosiq taqalq di sonaq uneb. Unsib sub meq aisib Tamo Koba Yesus aqa jejamu unqajqa marsib ŋam ateb naŋgi aqa jejamu unosai.