Popular Bible Verses from Matyu 21

Share

Deqa niŋgi Qotei qa nuŋgo areqalo siŋgilatosib iŋgi bei qa pailyqab niŋgi iŋgi di oqab.”

Onaqa Yesus na kamba minjrej, “Niŋgi quiye. E bole merŋgwai. Niŋgi Qotei qa nuŋgo areqalo siŋgilatosib nuŋgo areqalo aiyeltqasai di niŋgi dego qura minjibqa a laosim moiqas. Qura segi sai. Niŋgi mana kobaquja endi dego minjqab, ‘Ni tigelosim yuwalq aie.’ Minjibqa a nuŋgo anjam di dauryosim tigelosim yuwalq aiqas.

Onaqa Yesus a donki quraq di awoosiq walweleqnaqa tamo uŋgasari namooqneb qaji naŋgi ti bunuoqneb qaji naŋgi ti tulaŋ koba leleŋoqnsibqa maroqneb, “O Devit aqa Ŋiri, iga ni qa tulaŋ areboleboleigwo. Ni Tamo Koba Qotei aqa ñam na bonum deqa a na ni tulaŋ geregereimoqnqas. Deqa iga Qotei laŋ goge di unu qaji aqa ñam soqtoqnqom.” Tamo uŋgasari naŋgi degoqnsib leleŋ ti Yesus dauryoqneb.

Ariya naŋgi kalil jaraieqnabqa Yesus na minjrej, “Qotei aqa anjam bei nami endegsib neŋgreŋyeb unu, ‘Ijo tal endi pailyqajqa tal.’ Qotei aqa anjam degsi unu. Ariya niŋgi olo tal endi ugetonubqa a bajiŋ tamo naŋgo tal bulqo.”

“Niŋgi na nuŋgo medabu waqtosib Saion qure qaji naŋgi endegsib minjriye, ‘Niŋgi uniye. Nuŋgo Mandor Koba a nuŋgoq beqnu. A are lawo na beqnu. A areqalo minjiŋ saiqoji. Deqa a donki du quraq di awoosiq beqnu.’”

Naŋgi degsib Yesus minjnabqa a na olo minjrej, “Qotei aqa anjam bei unu. Niŋgi anjam di nami sisiyosai kio? Agi anjam nami endegsib neŋgreŋyeb unu, ‘Tal gereiyo qaji tamo naŋgi na tal aqa ai arqsibqa uge qa marsib taqal waiyeb. Onaqa tal aqa ai di Qotei na olo osiq tumaq di tigeltej unu. Tal aqa ai di tal siŋgilatqajqa deqa tigeltej unu. Tamo Koba Qotei a segi na tal aqa ai di tigeltej deqa iga unsim mareqnum, “Tal aqa ai di tulaŋ bolequja.” ’

Deqa e niŋgi endegsi merŋgwai. Qotei a nuŋgo Mandor Koba sosim niŋgi taqatŋgwajqa uratosim niŋgi taqalq breiŋgwas. Osimqa olo tamo uŋgasari qudei gei bole ateqnub qaji naŋgi eleŋosim naŋgo Mandor Koba sosim naŋgi taqatnjrqas.