Popular Bible Verses from Ifyacitilwe 1

Share

sombi mukapoka amako sa, pakumuselucileni Umupasi Uswetelele; peŋka mukaŵa nimboni syanji muJelusalemi, namucalo monse icaŵena-Juda necaSamalya, nekuficilo'kupelele icalo capansi.

Naŵo ŵalilaŵile kuli syo ati: Tauli mulandu wenu ukwisiŵa impindi neli myensi, iyo iyi ŵekalicile aŵene ŵaTata

Popele ili ŵaŵuŋgene nasyo, ŵalisifundile ati: Tekufuma-mo muJelusalemi, sombi mukapembelele ukulaya kwaŵaTata, uko kopele uku mwaumfwile kuli neŵo. Pakuti Yoane icine alukuŵatisya mumenda; sombi mweŵo mukaŵatisiwa muMupasi Uswetelele, ili tasiŋgapita insiku isinji.

Kuli syesyo kaŵili ŵalilibwenesye aŵalaŵi netwisiŵilo utwinji, ili kwasilile ukusomenwa kwaŵo, nekulukuŵoneka kuli syo insiku amakumi ane, nekulukulaŵila ifintu ifyakuŴufumu bwaŵaLesa.

Popele, pakusilo'kulaŵile'fyo-fintu, ili syalukutontomeka, ŵalitwitwe kwi ulu; nekumbi lyaliŵapokele ukuŵafumya pamenso asisyo.

Popele pakulukutontomekesya kwiulu, ili ŵalukuya, lomba neŵantu ŵaŵili aŵafwite ifituŵile ŵaliimakene pali syo; nekulaŵila ati: Mweŵantu ŵakuGalili, mbanindo mwimakanine ukulukutontomeka kwiulu? Aŵa-ŵaYesu aŵapokwa kwi ulu ukufuma kuli mweŵo ŵakabwela koti nifyopele'fyo ifi mwaŵaŵona ukuya kwiulu.