Popular Bible Verses from Ifyacitilwe 2

Share

Petilo naye alilaŵile kuli ŵo ati: Lapileni, muŵatisiwe mweŵo mwense mwisina lyaŵaYesu Klistu, ukwakulekelela ifyakuŵifya fyenu; eli mukapoka impese yaMupasi Uswetelele.

Naŵo ŵaliikele nemuŋkonsya muŵusambisi nekwambala kwantanjisi, nekulukukumala siŋkwa, nekulukutembela.

Naŵo ŵonse ŵaliiswile Umupasi Uswetelele, nekutatiko'kulawila nemini simbi, koti masiwi ayo aya walukuŵapela Umupasi.

Popele calipulilile ukufuma kwiulu icipupa koti kupupa kwacipupu icikulu, nekwisula muŋanda monse umo umu ŵaikele. Peŋka syalibwenekele kuli ŵo imini isilekenemo koti mulilo, nekwikala pali ŵo ŵonse. Naŵo ŵonse ŵaliiswile Umupasi Uswetelele, nekutatiko'kulawila nemini simbi, koti masiwi ayo aya walukuŵapela Umupasi.

Popele apo insiku nansiku ŵalukwikala nemuŋkonsya mwitempuli, nemutima umo, nekulukukumala siŋkwa kwaŵo, nekulukulya ifyakulya fyaŵo nekutemwa nekutekanya ukwamumitima, ili ŵaŵalemya ŵaLesa, nekulukutemiwa kuŵantu ŵonse. Popele ŵaSikulu ŵalukulunda-po pewuŋgano lyaŵo insiku nansiku aŵo aŵalukupuluka.

ŴaLesa ŵalilaŵile ati: Pansiku syakupela-ko, pakaŵa'ti Ŋketila-po Umupasi wanji paŵamunefu ŵonse; Popele aŵana ŵenu aŵalalume neŵanakasi ŵakalukusimika, Newasaŋkwa ŵenu ŵakalukuŵona ifyakuŵona, Neŵacekulu ŵenu aŵalalume naŵo ŵakalukulota ifiloto

Peŋka ŵonse aŵalukucetekela ŵaliikele pamo; nefintu fyaŵo fyonse fyali fimo; kaŵili ŵaliulile ifintu fyaŵo nemaŵoni aŵo, nekwaŵana ŵonse koti kupeŋga kwaŵo.

Popele fikaŵa kuŵantu ŵonse ukalilila isina lyaŵaSikulu ati akapuluka.

Akasuŵa kakaaluka nimfinsi, Nemwensi nawo milopa, Ili takaŋgesa akasuŵa kaŵaSikulu, Ako akakulu akabwenekesye.