Popular Bible Verses from Yoane 12

Share

Umuntu uwakulukumpyunjila neŵo, ŋgaandonde; peŋka uko uku ŋkekala, uko kopele eko akekala nemupyunjisi wanji. Kani umuntu alukumpyunjila neŵo, uyo ŵaTata naŵo ŵakamulemya.

Uyo uwakulukutemwa umweo wakwe akaulufya; sombi uwakufitilwa umweo wakwe uwamucalo cino icapansi, eukaulama mumweo uwamuyayaya.

Cine cine, ndukumuŵuleni ati—Kani ulupeke lwatiligu taluponene peloŵa nekufwa, lulekala lweŋka; sombi kani lufwe, lulafyala imbuto isinji.

Ndiisile ndi kutuŵa mucalo capansi, ati awantu ŵonse uwakucetekela muli neŵo tekulukwikele mumfinsi.

Kani umuntu omfwe amasiwi anji nekuŵulo'kwacetekela, nsilukumusinina neŵo; pakuti nsiisile mukusinina icalo capansi, sombi nimukucipulusya, emo njiisile.

Lomba Maliya aliŵulile impondo imo yamafuta anado aenenene, amakweŵo akosele, nekuŵasufya ŵaYesu kumakasa, nekwasumala' makasa aŵo kumisisi yakwe umwine; nao amafuta ayo nekupimbana muŋanda monse.

ŵaliŵulile ifisako fyafincindu, nekuya mukuŵacinsya, nekulukuŵilicisya ati: Osana! Ŵalicindeme aŵa aŵalukwisa mwisina lyaŵaSikulu, eMfumu yaŵaIsilaeli!

Sombi ŵaYesu ŵaliŵaasucile ati: Pano impindi yafika ati Umwana waMuntunsi aŵe neŵuleme.