Popular Bible Verses from Luku 6

Share

kamupela, popele fikapelwa nakuli mweŵo; ifyakwesya ifiweme, ifisindailwe, ifisunsilwe nefyakusempaka ŵakamupeleni pantiŵi yenu. Pakuti necakwesya ico ici mwesya, copele'co cikesiwa kuli mweŵo liŵili.

Umuntu uweme kuŵuŵoni uŵuweme ubwamumutima wakwe alabwenesya ifiweme, nawoyo uŵipile naye kuŵuŵipile alabwenesya ifiŵipile; pakuti kukufula kwamumutima akanwa kakwe ekalaŵila.

Sombi mulukutemwa utupondo twenu, nekulukucite'fiweme, nekulukwapwisya ukwakuŵulo'kulikutumika; lomba ukulambulwa kwenu kukalukuli kukulu, mweŵo mukaŵa ŵana ŵaŴaŵo Aŵacilile; pakuti ŵo ŵali neŋkumbu kuli ŵaŵo aŵakuŵulo'kutota, nakuŵakuŵifya.

Mweŵo muŵe neŋkumbu koti nifyopele'fyo ifi ŵaWisinwe ŵali neŋkumbu.

Nakaŵili tekulukuŵeŵa' ŵantu, eli tamukebwa namweŵo; kaŵili tekulukuŵasinina, eli tamukasininwa namweŵo: kamukakulula, lomba namweŵo mukakakululwa

Sombi ndukulaŵila kuli mweŵo, mwemulukumfwa, ati: Mulukutemwa utupondo twenu, nekulukuŵacitile'fiweme aŵo aŵalukumufitilweni. Mulukuŵacindika aŵo awalukumufiŋgeni; mulukuŵatembelela kuli ŵaLesa aŵo aŵalukumukululusyeni.

Kaŵili koti nifyopele'fyo ifi mulukufwaya ati aŵantu ŵamucitileni, kamuŵacitila namweŵo fyopele'fyo.

Kuli woyo uwakukupama palutoŵo, koteya-ko nalumbi nalo; nawoyo uwakupokolola iŋguwo yoŵe, tekumukanya ukupoka nemwinjila woŵe. Mulukupela aŵantu ŵonse aŵakumulombeni; nawoyo uwakupokolola ifintu fyenu, tekufilomba liŵili.

Pakuti tapali-po umuti uweme uwikate'fisepo ifiŵipile, neli muti uŵipile uwikate'fisepo ifiweme.

Pakuti imiti yonse, ŵalawisiŵila kufisepo fyauo. Pakuti kumyuŋga aŵantu taŵaswa-ko iŋkuyu, neli nikucinsokela camvuŋga taŵaswa-ko imfaina.