Popular Bible Verses from Luku 8

Share

Nefyasyesyo isyapeloŵa iliweme, isyo eŵaŵo aŵaumfwile isiwi, nekulukuliikatisya mumitima itekenye iweme, nekulukwikate'fisepo nemuŋkonsya.

Kaŵili ifyasyesyo isyaponene pakati pamyuŋga, isyo eŵaŵo aŵaumfwile, peŋka pakulukwe nda, nekutaŵilisiwa kufyakutatasya nemaŵoni nefyakutemwa ifyamweo uno; peŋka taŵakula-po nefisepo ifiweme.

Nasyesyo isyapebwe eŵaŵo aŵapoke'siwi nekutemucila ili ŵaumfwile; sombi taŵakwete-po imisyu, ŵalacetekela impindi ice, peŋka pampindi yakwesiwa nekwaluka.

Naŵo ŵalilaŵile kuli ŵo ati: Mbokucetekela kwenu kuJipi? Sombi naŵo ŵaliŵele nemwenso, nekulukukaŋkamana, nekulaŵilansyanya ati: Mbaŵanani aŵa lomba, pakuti ŵalukufifunda nefipupu nemenda, nao nekuŵomfwa?

Lomba isyo isyapansila eŵaŵo aŵaumfwile; peŋka nekwisa umusensesi nekufumya-mo mumitima yaŵo isiwi, weŋgesa-kucetekela nekupuluka.

Pakuti tapali-po icintu icifisilwe icitacikafisuluka, neli camfiso icitacikomfwanika nekuŵoneka apaswetele.

Peŋka umwanakasi uyo, ili abwene ati tesi mfisame, aliisile ili atutuma, nekuwila pansi pamenso aŵo, nekufisulula pamenso aŵantu ŵonse ifyamulandu aŵakumine-ko, nefyakupulililo' kuŵusiwa kwakwe. Naŵo ŵalilaŵile kuli ye ati: Wemwana wanji ukucetekela koŵe kwakuŵusya; koya neŵutende.

Naŵo nekwisa kuli ŵo, nekuŵaŵusya, ati: Sikulu! Sikulu! Twafwa'kale! Naŵo nekuŵuka, nekucikanya icipupu nekupuputwa kwamenda; nako kwalicilekele; peŋka paliŵele iciŵombe.