Luku 8

1Lomba pantanjile panini paliŵele ati ŵalukupitana mumisi namuli tumisi nekulukusimika nekulukuŵulisisya Iceŵo Iciweme icaŴufumu bwaŵaLesa, pamo naŵaŵo ikumo naŵaŵili, 2neŵanakasi ŵambi, aŵo aŵa ŵafumisye-mo imipasi iŵipile nemalwele—Maliya uwailicilwe ati wakuMagadala, muli ye ifiŵanda fisanu nafiŵili efyafumine-mo, 3naJoana umukasi wakwe Cusa, kalama wakwe Elode, naSusana, naŵambi naŵo aŵenji, aŵalukuŵataŵataŵila kumaŵoni aŵo.

4Peŋka ili lyawuŋgene iŵumba ilikulu ilyaŵantu, naŵaŵo aŵafumine kumisi yonse nekwisa kuli ŵo, ŵalilaŵile ukupalanya ati: 5Uwakuminsa aliile mukuminse'mbuto syakwe; peŋka ili alukuminsa simbi syaliponene pansila, nekulukunyantalwa kumakasa, nefyuni fyamwiulu nafyo fyalisilile. 6Simbi nasyo sya I iponene pebwe; peŋka ili syamenene, syaliuminine, pakuti pakuŵula ukutontola konse. 7Simbi nasyo syaliponene pakati pamvuŋga: nemyuŋga nayo yalimenene pamo nasyo, nekusitaŵilisya. 8Simbi nasyo syaliponene peloŵa iliweme, nekumena, nekwikata nefisepo umwanda. Peŋka, ili ŵalaŵile'fyo-fintu, ŵaliŵilicisye ati: Uyo uli nematwi akumfwa, ŋgaomfwe!

9A ŵasambile ŵaŵo ŵaliŵepwisye ati: Mbokupalanya uko kwasyani? 10Naŵo ati: Kuli mweŵo kulipelwe ukwisiŵa ifyamfiso ifya Ŵufumu bwaŵaLesa; sombi kuŵantu ŵambi nimukupalanya; ati, pakuŵona taŵakaŵona-po, napakumfwa taŵakesiŵa-po. 11Lomba ukupalanya uko nikuku: Imbuto lisiwi lyaŵaLesa. 12Lomba isyo isyapansila eŵaŵo aŵaumfwile; peŋka nekwisa umusensesi nekufumya-mo mumitima yaŵo isiwi, weŋgesa-kucetekela nekupuluka. 13Nasyesyo isyapebwe eŵaŵo aŵapoke'siwi nekutemucila ili ŵaumfwile; sombi taŵakwete-po imisyu, ŵalacetekela impindi ice, peŋka pampindi yakwesiwa nekwaluka. 14Kaŵili ifyasyesyo isyaponene pakati pamyuŋga, isyo eŵaŵo aŵaumfwile, peŋka pakulukwe nda, nekutaŵilisiwa kufyakutatasya nemaŵoni nefyakutemwa ifyamweo uno; peŋka taŵakula-po nefisepo ifiweme. 15Nefyasyesyo isyapeloŵa iliweme, isyo eŵaŵo aŵaumfwile isiwi, nekulukuliikatisya mumitima itekenye iweme, nekulukwikate'fisepo nemuŋkonsya.

16Kaŵili tapali-po umuntu uwaambusisye'nyale, nekwiifunicila munoŋgo neli kwiŵika mwifuŋgu lyaŵulo; sombi aleŵika pacakuteka-po, ati ŵalukuŵona ukutuŵa aŵo awalukwinjila. 17Pakuti tapali-po icintu icifisilwe icitacikafisuluka, neli camfiso icitacikomfwanika nekuŵoneka apaswetele. 18Pakuti pali fyefyo, kamucenjela ifi mulukumfwila; pakuti aŵantu ŵonse uli necintu, kuli ye eku fikapelwa; neŵantu ŵonse utaakwete, kuli ye fikapokololwa ifyo ifi alukulaŋguluka ati ndi nafyo.

19Lomba ŵaliisile kuli ŵo ŵanyinaŵo neŵakwaŵo; sombi taŵaisiŵile ukupalamina kuli ŵo pakuti peŵumba. 20Lomba ŵaliŵaŵulile ati: Ŵanyinenwe neŵakwanu ŵaliimakene poso nde; ŵalukufwaya ukumuŵoneni. 21Sombi naŵo ŵaliŵaasucile ati: Ŵamama neŵakwasu niŵaŵo aŵalukumfwa isiwi lyaŵaLesa, nekulukulicita.

22Lomba akasuŵa kambi akansiku isyo paliŵele ati ŵaliinjile mubwato pamo neŵasambile ŵaŵo, nekulaŵila kuli ŵo ati: Ŋgatwaŵuke, tuye pesilya lyacisiŵa! Peŋka ŵalisindicile ubwato. 23Sombi ili ŵalukwenda, ŵaYesu ŵaliile mutulo; lomba kwaliŵucile ukutukala ukwacipupu pacisiŵa; nebwato naŵo bwalitaticile ukwisula, naŵo aŵasambile ŵali mwilofyo. 24Naŵo nekwisa kuli ŵo, nekuŵaŵusya, ati: Sikulu! Sikulu! Twafwa'kale! Naŵo nekuŵuka, nekucikanya icipupu nekupuputwa kwamenda; nako kwalicilekele; peŋka paliŵele iciŵombe. 25Naŵo ŵalilaŵile kuli ŵo ati: Mbokucetekela kwenu kuJipi? Sombi naŵo ŵaliŵele nemwenso, nekulukukaŋkamana, nekulaŵilansyanya ati: Mbaŵanani aŵa lomba, pakuti ŵalukufifunda nefipupu nemenda, nao nekuŵomfwa?

26Peŋka'po ŵalificile kucalo caŵaGadala, icisiŋkamene necalo caGalili. 27Peŋka, ili ŵatuntucile, aliŵasanjile umbi umuntu uwafumine kumusi, uwali nefiŵanda; nempindi ikulu taalukufwala-po ifyakufwala neli cimo, neli kwikala muŋanda, sombi nimufilende. 28Peŋka ili aŵabwene ŵaYesu, aliŵilicisye nekuwila pansi pamenso aŵo; nekulaŵila nesiwi'likulu ati: Mbasyani ciŵele pali neŵo namweŵo, mweŵa Yesu, mweŵana ŵaŵaLesa Aŵo Aŵacilile? Ndukumukombeteleni ati mwiŋkululusya! 29Pakuti kale ŵauŵulile umupasi uŵipile ati, Fuma-mo mumuntu uyu! Pakuti liŵili liŵili umupasi uyo walukumwikata, naye nekulukulamwa kuŵantu, nekulukukakwa kuminyololo nemakusu; naye nekulukufiputala ifyakumukaka-ko, nekutamfiwa kuciŵanda ukulukuya mumpaŋga lukoso. 30Popele ŵa Yesu ŵalimwipwisye ati: Mbesina lyoŵe niwenani? Naye ati: NineLejo. Pakuti ifiŵanda ifinji fyaliinjile muli ye. 31Nafyefyo fyaliŵakombetele ŵaYesu ati, Tekutuŵula ati tukumbuluke, tuye kucikanda! 32Kopele uko kwali netaŋga lyaŋkumba isinji syalukulila palupili; peŋka fyaliŵakombetele ati ŵafisumine ati fiinjile muli syo. Naŵo ŵalifisumine. 33Peŋka ifiŵanda fyalifumine-mo mumuntu, nekwinjila muŋkumba: lomba netaŋga nekukuŋkulucila mumukolo wesiŵa nekufwa. 34Lomba aŵo aŵalukusisanina, pakuŵone'fyo ifyacitilwe; ŵaliŵutucile, nekulukufitulisya mumusi namumitala.

35Lomba aŵantu ŵalifumine mukuŵone'fyo ifyacitilwe; naŵo ŵaliisile kuli ŵaYesu, nekusaŋga nemuntu uyo, uyu fyafumine-mo ifiŵanda, aliikele muceni caŵaYesu, alifwite, muntunsi; naŵo ŵalitinine. 36Peŋka aŵo aŵafibwene'fyo, ŵaliŵaŵulisisye umwaŵusiwe umuntu uyo uwaiketwe nefiŵanda. 37Peŋka'po aŵantu ŵonse aŵamucalo caŵaGadala icasiŋgulucile ŵaliŵeŵele ati, Fumeni-po pali fweŵo! Pakuti ŵaliŵele nemwenso ukulu. Naŵo ŵaliinjile mubwato nekubwela. 38Sombi umuntu uyo, uyu fyafumine-mo ifi wanda, aliŵakombetele ati ndukwikala nenu. Sombi ŵalimutumine, nekulaŵila ati: 39Bwelela kunanda yoŵe, ukatulisye ifyafintu ifikulu ifi ŵakucitile ŵaLesa. Naye alikumbulucile, nekulukutulisya monse mumusi ifyafintu ifikulu ifi ŵamucitile ŵaYesu.

40Lomba, ili ŵabwelele ŵaYesu, iŵumba lyaŵantu lyaliŵasekelele bwino; pakuti ŵonse ŵalukuŵapembelela. 41Lomba aliisile nemuntu umbi, isina lyakwe nilailo, uwali nimpemba yamwisunagoge; naye aliwilile pansi muceni caŵaYesu, nekulukuŵakombetela ati, Iseni kunanda yanji! 42Pakuti ali nemwana umwanakasi ufvelwe eŋka, imyaka yakwe yalikumene ikumi naiŵili; ali apepi ukufwa. Sombi ili ŵalukuya, amaŵumba aŵantu alukuŵasinincisya.

43Peŋka umwanakasi umbi uwali neŵulwele ubwakuswe'milopa imyaka ikumi naiŵili, uwaposaile indalame'syamweo wakwe syonse kuŵalaye, neli kuposiwa kuli ŵo ŵonse, tau: 44uyo wopele aliisile kunuma yaŵo, nekukuma-ko kumukombelo wamwinjila waŵaYesu; popele impindi iyo yopele ukuswa kwamilopa yakwe kwalicilekele. 45Kumfwa ŵa Yesu ati: Mbaninani uwaŋkuma-ko? Peŋka, ili ŵakene ŵonse, Petilo naŵaŵo aŵo ali naŵo, ŵalilaŵile ati: MweŵaSikulu, amaŵumba alukumusiŋgulukeni, nekulukumusinincisyeni. 46Sombi ŵaYesu ati: Umbi aŋkumako; pakuti naisiŵa ati amakosa afuma muli neŵo. 47Peŋka umwanakasi uyo, ili abwene ati tesi mfisame, aliisile ili atutuma, nekuwila pansi pamenso aŵo, nekufisulula pamenso aŵantu ŵonse ifyamulandu aŵakumine-ko, nefyakupulililo' kuŵusiwa kwakwe. 48Naŵo ŵalilaŵile kuli ye ati: Wemwana wanji ukucetekela koŵe kwakuŵusya; koya neŵutende.

49Lombe'li ŵacilaŵila, aliisile umbi uwafumine kwaŵo impemba yamwisunagoge, nekulaŵila ati: Umwana woŵe afwa, wilukukatasya ŵaSikulu. 50Sombi ŵaYesu, pakumfwe'fyo, ŵalimwasucile ati: Witina, ucetekele lukoso, peŋka akuŵusiwa. 51Lomba, pakufika kunanda, taŵasumine-po ati aŵantu ŵonse ŵenjile naŵo, sombi ŵeŋka ŵaPetilo naYoane najakobo, pamo naŵawisi naŵanyina umulindu uyo. 52Sombi ŵonse ŵalukulila nekulukumulilile'misowa; sombi naŵo ŵalilaŵile ati: Mwilukulila, pakuti taafwile, woyu; alilele lukoso. 53Naŵo ŵaliŵasekele ukulukuŵapufya, pakuti ŵaliisiŵile ati alifwile. 54Sombi naŵo ŵalimwikete kuminwe, nekumwita ati: Wemwanice, ŵuka! 55Lomba nemupasi wakwe nekubwela, naye alipulilile ukuŵuka: peŋka ŵaYesu ŵaliŵaŵulile ati ŵamupele icakulya. 56Lomba aŵamufyele walikaŋkamene: sombi ŵaliŵafundile ati, Tekuŵula aŵantu ŵonse neli umo ifyacitwa.

Currently Selected:

Luku 8: AAL59

Highlight

Copy