Popular Bible Verses from Mak 14

Share

Ba nonei e poeiena, “O Tamar, alö e antunam tara mamanaka hoboto, luba nei lia a kamits teka. Kaba lö goma kato ua ii turu ngil i tar. Alö go markato uu turu ngil i tamölö.”

Tara kap iam bate singo uamiou tere Sunahan. Te möa nen, bu hiamus u omi temi butu roua i tamilimiou U namnamei i tamilimiou e ngilina, kaba u tuenrei ema tagala nei.”

Alia e hatei hamana koru ragou limiou, tara mamana han hoboto i puta tena habulungana naroua u Bulungana u Niga, nori ena rarare riou a tahol teka bu katuun te hakats nariou a ka a niga teka te katoe lalen.”

Ba nonei e poeiena i taren, “A peisar e tiama koru mena a nitaatagi, alia e katsin mate hakapagu. Kaka bumia teka bate taratara kap miou.”

Na tara pöata ti nouien, be Iesu e luena a beret me haniga uana tere Sunahan me posepose nen me hala raneien. Ba nonei e poeiena, “Lueiam. Nonei u tuenrei i tar teka.”

Ba nonei e lu lelena a kap uain me haniga uana tere Sunahan me hala raneien, ba nori e ua hoboto ria i tanen. Ba e Iesu e poeiena, “Nonei u rahatsing i tar teka te kato hatagale nou u rangan kits u tsimus tere Sunahan te tatsu beranou u katuun u parpara.

Be Iesu e poeiena i taren, “Alimiou hoboto e bus ba namou lia, taraha i kolotein: ‘Alia e atunge gou romana a katunun taratarakap turu sipsip ba u sipsip te bus kalakalar romana.’

Takei iam, bara te lara. Rötoiam, a katuun te haröto nanoua lia turu pakö i tar e tuku hakapa.”

Be Iesu e poeiena tere Pita, “Alia e hatei hamana korue goulö, i mam te kekeretskö hahuol noua a keriou i bong teka, ba lö te holis namou tego atei sil menai lö alia tara topisa pöata.”