Popular Bible Verses from Aposel 17

Share

God nanda'am na'ama ma esis sogolopa anona sombale'efana. I'i esis sogolopana sefe' sombale'efana o owa'? Anan ina nape laogona ape' hiapai atona etin, owa'. Nape felefele'ma ape' hiapai.

Aman atona anan God nanda' epes amam nematawa hiesi sataga etap anae'. Ea' nanda'as sape etap hiagoma. Anan atona nanda' nimeguf ma'uma'um mandahama esis sape eti. Ea' nandandepa etap nafe' neatambela naloma wambel asasima.

God nanda' etap naloma ape' epes maloma amamaga mape etap anae', anan Dembinai ma ilif etapi. Anan ina nape nomona ifagw lotumi epes sanda'am lagufi, owa'.

Anan nandandepa anona nemaf ea' ma nonda' basefa kot, nowaloga waf amam nematawa hiesi sanda'anai. Basefa kot ananinai mofe' bo'om andeande'. Anan nandandepa anona aman ea' ma nohapila kot anama. Aman anama naga' ea' God nafelona wapoti' hi'agif. Amama atom dei' epes hiesi sape etap hiagomai sogawa basef amama endilisimi atoma anan anona nemaf nonda'mas kot anama.”

Ea' Pol na'ipam wapoti' na'i, “Ape' mape awasi Godi. Na'ama ape' ina ukup mi'i anan si'i ambal atona epes sanda' otamba gol siliwa sanda'anai, owa'. Anama ina ukup epesi atom ma'i sanda'ana gawa asasinai, owa'.