Popular Bible Verses from Jon 14

Share

Ae' a'i ikwahipa. Ea' ae' ina enda'epa umbamahepa ukup awiaom pepan si'i amam nematawa saila waf etapanai sanda'am, owa'. Dei' anda'epa pepe ukup awanem endilisi. Ukup ipe'imi ina mohafel aom, owa'. Ina umbamahepa, owa'.

Ea' Jisas na'ipana na'i, “Ae' atowe eaf ofagewe ma basef endilisimi moloma ambal namunai. Owa' enin epen la'ifina nefe' neatagama Ahalome anona eaf, owa'etin. Ea' ae' atowe.

Ea' Jisas na'ipafa na'i, “Opalef ipe'imi ina mohafel nimanim, owa'. Ipe' pembale'efa God, pembale'efa ae' wapoti'.

Ea' anan nigiambamepa ma nonda'epa la'ifipa, anan Ambal Bu'unai Godi. Anama Ahalome nambimb nesapa'ana nifi'i ma agel ae'anai. Ea' nowalipipa ma amamaga hiami, nefela nomonas ipe'imi ma ukup mopoma basef hiami ali' a'ipipami.

Emi egafis sefa' mi'uli ae'anai silana andeande'i, esis ukup maimaila ae' endilisi. Nambimb Ahalome ae'anai okom nila esis. Ea' ae' wapoti' okom ninila esis ea' etaga endawalapa esis alihiwi.”

Ama nambimb ihali' Ahalome, ma nisi'ipei anona nigiambamepa nonda'epa la'ifipa. Anan nope noloma ipe' la'ela'ef hihif. Anama Ambal Bu'unai Godi na'i basef endilisimi. Esis amam nematawa saila waf etapanai ina anona nemaf sotolona sogawana sofa'ana, owa'. Ea' ipe' pegawana ea' nape nalomepa, ea' nambimb nope nolomepa.

Amamaga hiami ipe' penda' beten pihali'ana agel ae'anai, anona nemaf ae' enda'am. Ama Ahalome nofa' agel lu'unai ma opeh ae' nogalomana ananiwei anona nemaf enda'am. Amamaga ipe' pehali' ae' ma agel ae'anai, pembale'efa ae' endilisi, nambimb enda'am.

I'i ipe' ukup mimila ae' endilisi, ipe' pila mi'uli ae'enai andeande'.

Ipat Ahalome ae'anai alihina satopa' rum hiami mape mandandaepa. I'i owa', fowa' ae' a'ipipa. Endilisi, ae' efe' endondomba wambel ipe'inai.

I'i ae' efe' endomba wambel ipe'inai, anona nemaf etanimani efa'epa pefe' pepe pelome. Ea' anama ae' eapoma, ipe' wapoti' pepe anama atagon pelome.

Ea' Tomas nahali'ana na'i, “Dembinai, afa' owa' ogawai ine' nefe' eti? Afa' ina ogawa eaf anama ine' na'i neafe'ma.”