Popular Bible Verses from Jon 15

Share

Ae' si'i lawag si'ina, ipe' si'i agof. Emi egafis sope Ae' ma Ae' ape esis, nambimb sola gwa'aimi hiami. I'i ipe' pekwaha Ae', ipe' etipa ina nambimb penda' anom amamaga, owa'.

Ipe' pepe ae' ea' ae' nambimb epe ipe'. I'i agof atom wafim, ina mola gwa'aimi, owa'. I'i agof owa' mondala la'ifim lawag si'ina, amam ina molo andeande', mil mola gwa'aimi, owa'. Ea' na'ama etin si'i ipe'. I'i ipe' owa' pepe peloma ae', ipe' wapoti' ina pela anom gwa'aimi, owa'etin.

I'i ipe' pepe ae' ma basef ae'ami mope nomona ipe', ipe' pihali' ae' ma maim basef pendahama ukup ipe'imi ma'iam, anona nemaf amamaga amama motagamepa na'ama etin.

Ipe' ina pali' pesaho' ae' ipe'iwei, owa'. Ae' ali' andandepepa ea' ae'ipei. Ea' anda'epa panda' opeh bu'wami. Ama pefe' penda' opeh bu'wami si'i lawah mola gwa'aimi ma opeh bu'wami ipe'imi mope andeande'. Penda'am na'ama ma i'i ipe' penda' beten pihali' Ahalome ma anom amamaga agel ae'anai, anan nose'epa.

Emi egafis ukup mimila alupisi ma sokwaha ambagof asasimi atom soga', ma sigiambama alupisi asasisi, waf anama nikila' waf bu'unai hianai.

Agof hiami su'utip owa' mielami, amama Ahalome natopa'am nakwahom. Ea' anom agof mail mola gwa'aimi amama anan nandombasom natopa'am bandam ama nambimb mope bo'om mil mola gwa'aimi hiami andeande'.

Mi'uli ae'anai anama. Ipe' ukup mimila sahin owan ipe'isi atona etin si'i ae' okom nainailipa.

I'i ipe' pela gwa'aimi hiami, Ahalome ae'anai nofa' agel lu'unai. Ama pihi'amba amam nematawa hiesi ipe' pepe alupipei Ae'ipei.

Ae' si'i lawag wain si'ina endilisi. Ahalome ae'anai Anan si'i ofagenama aofi. Aof anama sawa lawah su'utip wainim gwa'aimi mailami.

Emi egafis owa' seape ae'i, esis sogalo'mas si'i satopa' agof alimi. Ama satamam saofam nif fandom hi'alam.

Ae' a'ipipa basef amama ma a'i danifel anama ae'anai nepe nelomepa ea' danifel ipe'inai nepe opalef ipe'imi si'im.

I'i ipe' pila mi'uli ae'anai andeande', nambimb pepe okom ae'anai nomon si'i ae' aila mi'uli Ahalome andeande'ma ape okom ananinai nomon.

Ae' ase'epa mi'uli ipe' na'ama. Ipe' ukup mimila sahin owan ipe'isi atona etin.

I'i ipe' epes etapipei, esis saila waf etapanai ukup mimilipa si'i ipe' epes asasipei etipa. Ea' ipe' ina epes etap anae'ipei, owa'. Ae' esahe'epa ea' ma pekwaha waf etapanai. Ea' dei' esis saila waf etapanai sonda'mepa naumbih.