Popular Bible Verses from Matyu 19

Share

Ea' Jisas naniga nati amam na'ipam na'i, “Amamaga epes owa' la'ifisa seanda'ami, amama God atona la'ifinai ma nonda'am. Anan la'ifinai nonda' amamaga hiami.”

Ea' esis bias sondase'ama sotaga si'i alop etifina. Esis ina ata' sape biasa sape deindei, owa'. Ea' esis God nakolasis sape la'ifis, isima God na'i enin epen ina nehape'as, owa'.”

Ea' anan nagwamama basef amam na'i, “Ipe' patalifa basef amama Godi pagawam ea'. Basef amama ma'iam na'ama ma'i, ‘Fowa' gani dambadamba God nanda' amamaga hiami nanda' epes sataga amam nematawa.’ Ea' God na'i, ‘Na'ama esis bias ina ata' sope si'i sape deindei, owa'. Aman nokwaha mamasana ananisi nefe' noloma waulu'mana anani'wi, esis bias sope alop atotona.’

Ea' Jisas na'i, “Ipe' kwahowas awasi isima sifi'mai ae'. Ipe' ina pindaiwa'mas. Fa'asi sifi'mai Ae'. Dei' main, esis amam nematawa siowis kingdom heveni, esis same' basef Godi sailam si'i awasi isima.”

Ea' epes hiesi dei' sataga sali'i agof lu'womisi, anona nemaf owagama agof a'as sotaga sigi'. Ea' epes isima sataga sagi' owagama sofa' agof lu'wami sotaga sili'.”

Ea' emi egafis ukup asasimi mopoma ae' sokwaha ifagw moloma sahin owan ahapas mamasas batawisas moloma aof amamaga maim asasimi, anona nemaf sofa' amamaga hiami endilisi mikila' asasimi fowa'imi. Ea' anona nemaf sofa' ambagof namumi sopan andeande' la'ela'ef hihif.

Ea' Jisas na'ipana na'i, “I'i ine' ni'i neataga bu'winai endilisi, ine' fo'o nese'asa amamaga ine'imi ma enis epes sotalinama nefa' moni anama nenda'ana nese isima kwahusi. Nenda'am na'ama ma anona nemaf nefa' amamaga bu'wami gani ilif heven. Ea' ine' nifi'i nila ae'.”

Ea' Jisas na'ipana na'i, “Dei' maina ine' nahali' ae' ma amamaga amama? Anona aman atotona nape ilifi Anan bu'unai. I'i ine' ni'i nefa' ambal namunai, andeande'ma nila basefa mi'uli fowa' God naso' Mosasanai hianai.”

Ae' a'i i'ipipa wapoti', anona mafin lu'unai kamel nuwis nil nagala sagundisa luwagufanai, anama wila ma niowis. Ea' amam nematawa amamaga hiamisi sefe' siowis kingdom Godi, sonda'am ahifim endilisi ma sefe' siowis. Eaf anama ahifina endilisi nikila' maol kamel nuwis nil nagala.”

Ae' a'ipipa a'i, I'i ano'w nemata'w anona amani owa' konda' waf aonai so'a waulanai, ma anan nogolo'makw noso' ano'w wapoti', anan nanda' waf aonai so'a waola nemata'w akwama nali' nase'akwi.”

Ea' Jisas na'ipa alupumi ananimi na'ama na'i, “Ae' a'ipipa endilisi, epes isima wiga moni hianaisi, sanda'am ahifim endilisi ma sefe' siowis kingdom heveni. Atona etin sefe' siowis.