Popular Bible Verses from SAN LUCAS 14

Share

“Oime yave kia oipota ojo cherupíe vae, ërei ombotenonde yave tu, ichɨ, jembireko, imichia reta, tɨkeɨ jare tɨvɨ, jeindɨ jare jae etei oyembotenonde yave, ngaraa ipuere oiko cheremimboerä.

Jare kia nunga vae mbaetɨ ovoɨ ikurusu ojo vaerä cherupíe vae, ngaraa ipuere oiko cheremimboerä.

Echa oyembotuicha vae, oñemomichiukata ko. Jare oñemomichi vae, oyembotuichaukata ko.

Jökorai vi, oime yave kia pepɨte pe opaete imbaembae mbaetɨ oeya vae, ngaraa ipuere oiko cheremimboerä.

Echa oime yave pegüi reta kia ikɨ̈reɨ oyapo o ɨvate vae, ¿oguapɨtaa pa oipapa mbovɨ ra jepɨta vae, oikuaa vaerä ikorepoti oupitɨta ra opa oyapo vaerä? Echa güɨramoi oñono güire iguapɨka, jare ipuereä opa oyapo yave, opaete oecha vae reta oyoyaita jókuae kuimbae. Jei retata: ‘Kuae kuimbae omboɨpɨ tëi omopüa o ɨvate, ërei ipuereä opa oyapo.’

Ërei reipota yave reporomongaru, eparea paravete vae reta pe, ipo jovaichombae reta pe, iköcho vae reta pe jare jesambae vae reta pe. Jökorai yave, reyerovia katuta. Echa jae reta ngaraa ipuere omboekovia ndeve. Ërei jekoviata ndeve jupi vae reta oikove ye yave.

‘Yukɨ ikavi ko. Ërei jembochɨä ma yave, ¿mbae ra pa ikavita? Ikaviä etei ma mbaerä ave. Ɨvɨ peguarä ani, ɨtɨapɨ peguarä ave. Yamombo vaeräño ikavi. Oipota oyeapɨsaka vae toyeapɨsaka.’ ”