Popular Bible Verses from Yeremi-aq 23

Share

Ngò a wó myâng loshoq, wó haq tô é byù nyi ri lhú?” gâ ri; haû gi, Yhûmsîng Garai taî pyo ri. “Ngò gi, Ngá gûng lé mauhkûng eq myigùng má wó lhoqpyîng lhê, a nghut lhú?” ga, haû Yhûmsîng Garai taî pyo ri.

Haû Yhûmsîng Garai shî su ga taî pyo ri; “Wú keq; Dawiq é matú, Ngò, díngmán é hkûngxoq akoq rakoq yùq htoq nhang é buìnyì jé râ nghut lhê; yhang gi, hkóhkâm dông hpàqchyî bo é èq ùp luî, mîngdán má târâ ràp-rá hkyô eq díngmán hkyô kut râ nghut lhê. Yhâng é i-pyàt má, Yudaq gi, hkyi xe yu é hui luî, Isira-elaq gi, ngón za myang nyì râ nghut lhê; yhâng é myìng lé gi, ‘Ngá-mòq é Díngmán é Hkyi yù Sû Yhûmsîng Garai,’ ga wùt kôrâ nghut lhê.” gâ ri.

“Ngá é mhan nú yô mâ é sau pé lé lhoqhten lhoqpyo pyâm é sau zúng bang gi, dingnyé wó ri.” ga haû Yhûmsîng Garai taî pyo ri.

“Ngò gi, yhángmòq lé hkat pyo hâng kat é mîngdán bànshoq má nyi myìt gyó tô é Ngá é sau pé lé shuî tsîng yù mù, yhángmòq é mhan nú yô má shuî taû lò râ nghut lhê; haú má, yhángmòq myoluq jebe lò mù, byù du myô jàt lò kôrâ nghut lhê. Ngò gi, yhángmòq chyáng, yhángmòq lé wú zúng râ sau zúng bang nyhi to byi râ nghut mù, yhángmòq gi, gyùq dàn gyùq chiq kôrâ le a nghut lô é htoq agó, rayùq le a byùq lo kôrâ nghut lhê.” ga haû Yhûmsîng Garai taî ri.

Haû Wum-o a-tsam dìk shoq bò Sû Yhûmsîng Garai shî su ga taî ri; “Myìqhtoî pé mai núngmòq lé myìqhtoi htoi byî é dang lé hkâgyo kó; yhángmòq gi, núngmòq lé dangsôm shèq htoi byî akô nghut ri. Yhángmòq gi, haû Yhûmsîng Garaî é nhut mai htoq é dang a nghut é za, yhángmòq é u-nuq mai htoq lo é shing-rán pé lé taî akô nghut ri.