Popular Bible Verses from Yeremi-aq 27

Share

Ngò gi, Ngá é hpungwup a-tsam mó eq lhâm tô é lòqbú èq, myìdàm htoq lé le, haú má nyi é waxâng zo wuî eq gaunyhaú bànshoq lé hpan to mù, Ngò byí nau é sû ó yùq lé nghut kôle, haú pé lé byî é nghut lhê.

Ahkuî, Ngò gi, núngmòq é mîngdán shí pé bànshoq lé, Ngá é duìnhâng zoshâng, Babelon hkóhkâm Nebuhkatneza lé àp byi râ nghut lhê; tân jung yòsô zè pé lé lháng, yhang lé dójaú nhâng râ nghut lhê.

Haû mù, ‘Núngmòq gi, Babelon hkóhkâm lé dójaú râ a nghut.’ ga núngmòq lé taî é, núngmòq é myìqhtoî pé, núngmòq é bùt hpyit bang, núngmòq é yhupmòq hkai bang, núngmòq é nàt dàt jì bang eq núngmòq é myòqheq hpàqchyî kut bâng é dang lé, hkâgyo kó.

‘Zè haú pé gi, Babelon wà mó shut yu ló byùq é hui mù, Ngò, haú pé lé dum ê kûm é hkûn jé shoq wà haú má jòq to râ nghut lhê; hau htâng, Ngò gi, haú pé lé dum yu taû lò mù, shí jowò má lo dum tô to râ nghut lhê.’ ga haû Yhûmsîng Garai taî pyo ri.” nghû taî é nghut lhê.