Popular Bible Verses from Lukɨ 10

Share

Yɨthaanyi, sarɨmɨnyɨ dɨragɨnya' mena yɨhɨzaawa. Yɨ sarevɨdaa'nyɨ naawɨnaanyaraavɨjɨ marayɨnɨgaawalyaraavɨjɨ sɨvɨlya' yɨnɨga bɨza'jɨvaibɨneihɨlyɨ. Nabaai Yɨkamaangerɨne dɨragɨnya yuya sangɨ yɨnɨga wi'na davɨlayideihɨlyɨ. Sarevɨ sarɨmɨnyɨ kayaaka yɨgalakya'ne yuya pɨnɨ sa kayaaka yɨnɨga wi'na yɨhigalakade mɨ'.

Kɨrɨ' Naangei sahɨrɨvɨ ja'nawɨdɨna “Maatha', Maatha', gɨmɨ sɨmugwalaalya yawɨ'dɨ gɨmɨre sɨmunya' yawɨta kwalaalyangɨna yɨwa'nadɨkaata yɨvanɨkesɨ. Kɨrɨ' gave pɨrɨ'nanya' wɨmudaasɨvanɨ'. Sare'na dare'nanyɨ. Maarɨyaa' tewaanya daza' maa'manɨke'nanyɨra. Sahɨrɨvɨ sa' tewaanya daza' mamarasɨ'nɨwɨna!”

Wɨdɨna kya' sahwai ja'nawɨdɨna “Naangei gɨmɨre Gotɨyai sahwarɨna gɨmɨre sɨmunya yunevɨ yuna tewaanya gɨvu'nadeigɨnyɨra. Nabaai gɨmɨre kurya yuyarɨ yuna tewaanyarɨnajɨ gɨmɨre dɨragɨnya yuyavɨ yuna tewaanyarɨnajɨ gɨmɨre sɨduta yuyavɨ yuna tewaanyarɨnajɨ gɨvu'nadeigɨnyɨ. Nabaai yune gɨmɨ saigɨnyɨna tewaanya gɨvu'nadevaaibɨ' a'mwe pwarɨna avaaimwaalya kwarɨna tewaanya nayaa gɨvu'nada duhaimwadeigɨnyɨ.”

Sarevɨ sai sahwaraavɨ wɨdɨna “Pɨrɨ' daresɨ. Tɨka munne kwalaalya wawɨnyavɨ mena yovɨgaipwakɨnɨkengɨra. Pɨrɨ' daresɨ. Tɨka munne maarya'ne a'mwera kwalaalyara mɨka. Sarevɨdaa'nyɨ sarɨmɨ wawɨnyavɨ Naangerɨ kidaanganapɨjɨ gamɨre tɨka wapaaya mari'bwarakya'nera gamɨre wawɨnya wɨdaayadɨvɨsaraavɨ yarai wɨdaasaderera.

Jizaazai sara wɨdɨna yaka wɨdɨna “Dahaa' gɨmɨ gara dahayawɨ'mwaana? Daraai dala saraavɨdaa'nyɨ pwai a'mwe yɨpalamaa'dɨvɨsara sara kye' kayaaka yɨnaka dazarɨna avaaimwaalyai yɨma'nakei bewai dɨngaka?” Sara wɨdɨna kya' sahwai wɨdɨna “A'mwe kale kwia' gaimwanga yaka dazalyɨ.” Wɨdɨna kya' Jizaazai wɨdɨna “Gɨmɨ wawo'gɨzɨ avaaina sasara jɨtheigɨnyɨ.”

Nabaai sarɨmɨ kaanya dɨwila! Yɨthaanyi! Nɨmɨ yɨhɨmaryaasɨweihi kavɨjɨlɨkeraavɨ tɨnnyabanna sipɨzipɨya maalɨkebɨsaihi dɨwideihɨlyɨra.