Popular Bible Verses from Maakɨ 2

Share

Yagaala sa' wɨdɨna kye' Jizaazai wɨ'nakei wɨdɨna “Dotarɨna nabalɨmaayara wɨgainadera mɨ'. Aawa. Nabalɨnakera wɨgainadere. Sare'na nɨmɨ sainyɨ a'mwe yɨda'maraangebulyɨyainajɨyaraavɨ jɨvwaramaarya'neinyɨ mabye. Aawa. Kɨwɨnya maalɨ'na yadɨvɨsaraavɨne'nanyɨ.”

Marala'mwagakɨna kye' Jizaazai kumɨre lɨmwangebwi yawɨranganna “A'mwe dara ‘Jizaazai dɨragɨnaangei a'mwerɨ tewaanya negaimwagathelyɨra,’ yawɨreva makabɨwaava,” Jizaazai yawɨraka yagɨnya bainɨkerɨ wɨdɨna “Nyɨbwaalɨ', gɨmɨre kayaa'nanya gɨmarasɨ'mwa.”

Sara wɨdaka wɨdɨna ya' “Sɨnnawɨ Gotɨyai a'mweraavɨ yavɨkaryaka dɨvidaasɨ a'mweraavɨne'na Kwazaakegaa' wakyaa'. Sɨnnawɨ Kwazaakegaa' mwaryaka dɨvidaasɨ Kwazaakegaa'ne'na a'mweraavɨ myavɨkaryaa'. Arɨkewɨ.

Marikwa'na yeva “A'mwe kwalaalyara damwaaihava!” deva kwala bwa'naanyavɨne'na Jizaazaryawɨnna mabamakulyara angevɨ a'ba bamaraga'nɨgilaawɨna yɨna yeva munyaba Jizaazai wɨlamwaaidɨsɨyaba kwavɨsa' daburaabɨna yeva yagɨnya bainɨkei yɨ'bɨnnakerɨ marala'mwagakɨna ye'.

sarɨmɨ yawɨ'na ‘Ai, Kwaaka davakɨ a'mwe sai kayaa'nanya marasɨ'nya'nei dɨragɨnnakelyɨ,’ jawɨryideihɨlyɨ. Sara jawɨryide'na A'mweraavɨne Kaimɨraayai yagɨnya bainɨkerɨ sara wɨdana!” A'mwerɨ wɨdɨna “Gɨthɨwa, ‘Dɨthɨkaaka! Gɨnnya yɨ'bɨnya' marikwava'gɨzɨ gɨnnya angevɨna dɨmakwalyona!’ ”

Darewaai naangewaai midaaka! Pɨrɨ' dare'. Yagɨnya bainɨkerɨ wɨdɨde' ‘Gɨmɨre kayaa'nanya gɨmarasɨ'mwa.’ Pɨrɨ' dare'. Wɨdɨde' ‘Dɨthɨkaaka! Yɨ'bɨnya' maara'gɨzɨ dɨmakwalyona!’ Yagaala yuya sawaai naangewaai midaaka! Nɨmɨ kuda'muri ‘Dɨthɨkaaka! Yɨ'bɨnya' maara'gɨzɨ dɨmakwalyona!’ sara yade'na

Sara wɨdɨna kya' daavaka yɨme'nya'bɨ' yɨ'bɨnya' marikwa'na yaka kaanya walyodaa'nyɨ sare'na a'mwe yuyara tɨnna wanganna yeva atɨka maru'nakulɨna yeva Gotɨyarɨ yɨlaaya yeva “Sabwi nemɨ sara mwanganyainera,” dɨnyɨna ye'.