1 TIMOTHE 3
3
Longjom ni hojarao
1Sere longjom ni hoja jama nangjao du, bo hamba khusi dangma nangjaoma se, thiyaba grao de gibi se. 2Longjom ni hoja ne khlai hide, gajai giriya ba, bihih saosiyaba ni basai, saiphuyaba, subung gibiyaba, subung man gnang, subung khaithiyayaba, slingriba blaiyaba, 3ju lingyayaba, yao suguba laiyayaba, subung gasainyaba, subung grao bangyayaba, rang rih harbaoyayaba subung ja ma nang du. 4Jar ni nokhor khe hamsisi naiso hi, jar ni daphlungrao jang grao mani jaoyaba subung ja ma nang du. 5Subung jar ni nokhor khe ning hamsisi naiso laba ringya kha la, Madai ni longjom khe bede naiso phu ma? 6Phin gadain lonyaba da jama nang du, ode niyakha de, sangga hi Diabol ni gajai ha galaising ma se. 7Ebo khe garhibo, baji ni subung buthu bokhe gede baoma nang du, ode niya khade, sijima ha galaising hi, Diabol ni dukhon ha nang la ma se.
Longjom ha khusi dangyasarao
8Olei jasosi ning, longjom ha khusi dangyarao de subung man gnang ode subung gibiyaba jama nang du, khuh bangyaba, ju lingyayaba, ode khao jibaiyaba, gusu ar harbaoyaba subung ja ma niya; 9hamba hamya tharmaiyaba gathar khe la hi, lonma ni grao makhao khe remsong hi dengyaba subung ja ma nang du. 10Bo buthu khe sagang ha hamsisi nai da la thing; boni yaohon ha musi gajai giri thikhade longjom ni dangyasa khusi khe dang la thing. 11Olei jasosi ning, masainjikraobo, man gnang subung, malai khe siji baiyaba subung, saiphuyaba, asaba balam habo lonjaoyaba subung ja ma nang du. 12Longjom ha khusi dangyarao de bihih saosiyaba subung ni basai ja thing, basa bisikthu khe ode nokhorsi khe naisoba ringyaba subung ja ma nang du. 13Olei hamba khusi dangyarao de jar ni khlai hi hamba songthan slam hi, Krista Jisu ni lonma habo khitha raoma khe bonsi mai du.
Muima ni grao makhao
14Ang nini ha sangga thang mane asa deng la khabo, ebo grao buthu khe ang ri pha du. 15Ang thangba len khade, Madai ni nokhor ha la, subung bede dongma thi hi ning tharmai mani khlai hi, ang reb ha du; Madai ni nokhor de Madai thang hi dongyaba, longjom se, grao gibi ni thongma ode asa dengyaba se. 16Madai baoyaba grao makhao khe jing baiyaba de, boni muima jadao thaoyaba se.
Bode saomang ja hi nujaophai ba
bese jang dormo ja ri ba,
sorgo ni deglarao nu ba
Jadi gibinrao ni bising ha grao bai hi dong ba
Habsao ni subung buthu bokhe bonsi lon ba
ode muima jang bokhe basao gede sugu lang la kha.
Currently Selected:
1 TIMOTHE 3: DIMASBSI
Highlight
Copy
Compare
Share
Want to have your highlights saved across all your devices? Sign up or sign in
Dimasa N.T. with PSA amp PRO (BSI)
© The Bible Society of India, 2006.
Used by permission. All rights reserved worldwide.