JOHN 16

1“Nisi khudaya mane ang ebo grao khe nisi ne thi ri kha. 2Bonsi nisi khe sunagog ni phrang rikhon ma se, ode bubli sophai du, sere nisi khe sthaimabo bao la ma, bo Madai ne se dang ba, ar boni khusi khe se dang ba. 3Ebo buthu khe malai nisi ni basao ha dang ba, bede thikhade bonsi Bupha ar ang khebo tharmaiya. 4Thikhabo, nisi ne ang ebo grao buthu khe thi riba, jekhali bo bubli sophai kha de, nisi wainso phu mane.”

Bese Gathar ni khusi dangyaba.

Ang nisi jang dongpha du bani ebo grao khe nisi ne sagang thao ha thi riya ba. 5Thikhabo, duha sere ang khe haiha ba, boni ha thang la du, nisi la ang braha thangla ma, saosi bo ang khe singya. 6Ar duha ang bo buthu khe nisi ne thi ridu, nisi ni khah ha dukhu waimu jang gablai ba. 7Thikhabo, ang nisi niha gibi khe thi du: Ang thanglaba ning nisi ni khlai hi hamdao ma se. Ang thangya si de bo juruma nisi niha phai nang niya. Odebani ang thangla kha thikhade bokhe ang nisi niha haiha phu ma. 8Jekhali bo phai ma, habsao ni gajai phap ode dormo ode bisar ni balam ha bo mithi ri ma. 9Ani basao ha lonya bani khlai hi bonsi phap ni balam ha mithiya; 10Ang Bupha niha thang du, ar nisi ang khe nu nang niya bani khlai hi bonsi gibi ni balam ha mithiya. 11Ebo habsao ni raja gajai ha galai ri kha bani, bonsi bisar ni balam ha bujiya.

12“Ang nisi ne grao sainthi ri mane gabang ning bang bi mu, thikhabo duha nisi bokhe suiphu nang niya. 13Thikhabo, boni Bese gibiyaba sophai kha ning, khrip gibi ha bo nisi khe langsmai nang. Bo jarni gede jahi grao joya, thikhabo snadi khe khna ba, bokhe ning dang ma se. Ode snadi japhai ginyaba dang ba, bokhe nisi ne sainthi ri ma. 14Bo ang khe muima khlai ma, bede thikhala bo ani grao khe lahi Bese nisi niha sainthi ri ma. 15Abai niha khrip jinis dongyaba ani gaja se. Eboni khlai hi se ang nisi niha thi riba, ani grao khe lahi Bese nisi ne thi rima thiyaba de.”

Dukhu ar khajama

16Khaisa bubli ni yaohon ha nisi ang khe nu nang niya kha, ode khaisa bubli ni yaohon ha nisi ang khe nuphin nang.

17Boni gejesi rikphayarao saosi jang saosi niha thi ba, Bo thiyaba ni ortho la snadi? Khaisa bubli ni yaohon ha nisi angkhe nu nang niya kha ode khaisa yaohon ha nisi angkhe nuphin nang. Bede thikhala ang Abai niha thang lama, bo thiyabani ortho la snadi? 18Khaisa yaohon ha bo thiyaba la snadi grao kho? Bo snadi khe thi laba, bo jing de bujiya, thihi singlai ba. 19Bonsi Jisu khe eboni balam ha singphin ma nangjao du thihi Jisu tharmai kha. Odebani bo bonsi niha thi ba, “Khaisa yaohon ha nisi ang khe nu nang niya kha, khaisa yaohon ha nisi ang khe nuphin ma se, thiyaba ani ebo grao ni ortho khe nisi jar jang jar sing ma nangjao ba? 20Ang nisi niha gibi gibi khe thi du, Nisi dukhu jang mudi galaiba ha habsao de khaja ma, nisi dukhu nangma thikhabo nisi ni dukhu khajama ha se slaiphin ma. 21Saosi haingajik nana hajaima japhai kha de, bo waimu nang re, bede thikhala boni dukhu jamani bubli sophai kha bani, thikhabo nana hajai blai khade bo dukhu khe blao re, bede thikhala nana habsao ha hajaiphai kha bani bo khaja ba. 22Nisi ni khlai hi duha dukhu ni bubli se, thikhabo nisi ang khe nuphin hi nisi ni khah ha khaja ma se, nisi ni khajama khe saosi bo se lang phu nang niya.”

23“Bo basain hade nisi ang khe musi khebo sing nang niya. Ang nisi niha gibi gibi khe thi du, snadi khe Bupha niha sain re thikhade bo ani bumu jang se nisi ne ri ma. 24Duha sosi nisi musi khebo ani bumu jang sainba giri, sain lah, odese nisi mai ma, ode nisi ni khajama jaso thar ma.”

Habsao khe de ba

25“Ebo grao khe songthe the nisi niha ang thi kha, bo bubli sophai ma ja kha, boha de nisi niha ang songthe the grao thiphin nang niya kha, ragao sisi se Abai ni balam ha ang nisi ne khna ri ma. 26Bo basain sophai khali ha, nisi ani bumu jang sain ma ode Abai niha nisi ni baslai ha ang sain ma, khainsu ri ma thi hi nisi khe ang thiya. 27Bupha jarbo nisi khe hamjao du, bede thikhala nisibo ang khe hamjao du, odebani ang Madai ni phrang se phaiba thihi lon lah. 28Ang Bupha ni phrang se phaiba, ode habsao ha hapsing phai ba, ode duha ang habsao khe garhi, Bupha niha thangphin lama kha.”

29Jisu ni rikphayarao bo khe thi ba, Gibin gede grao joyahi duha ning grao ragao sisi jo ba. 30Duha jing tharmai kha, ning khrip jadi khe mithi thar du, odebani ning khe sing mani musibo nangya. Ning Madai ni phrang se phai ba thihi jing lon la du.

31Jisu bonsi khe thiphin ba, “Duha nisi lon kha? 32Khna lah, bo bubli sophai ma ja kha ar sophai sai kha, boha de nisi khrip khaiphlung thar hi jar jarni noh ha thang thar lama se, ode angkhe sao jang dangkhlai ma se. Thikhabo ang sao jang dongya, bede thikhala ani Bupha ang jang dongpha du. 33Odebani se ang nisi niha ebo grao khe thi riba, nisi aniha shanti mai mane. Ebo habsao ha nisi ne dukhu mai ma se, thikhabo nisi khah de lah, ang habsao khe de kha.”

Currently Selected:

JOHN 16: DIMASBSI

Highlight

Copy