MATTHEW 26
26
Jisu khe sthai mane bisar khlaiba
(Mk. 14.1,2; Lk. 22.1,2; Jn. 11.45-53)
1Jisu khrip ebo grao khe thiblai hi, boni yaohon rikphayarao niha bo thi ba, 2Nokha sain gini ni yaohon ha baiglai busu sophai ma ja kha thihi nisi tharmai du. Odehe Marsi ni Basa khe dikthai mane khlai hi bonsi rem rima se.
3Odese, Jonthai dedaothao Kaiapha thijaoyaba ni barising ha jonthaimarao ode noleikhor ni khraorao bojom ja ba; 4Jisu khe srap remhi sthai mane khlai hi bonsi bisar khlai ba. 5Bonsi thiba, Mel jayaba ni bising hade da ja thing, niyakhade noleikhor ha nam khormu ja ma se.
Bethani ha Jisu khe thao do ri ba
(Mk. 14.3-9; Jn. 12.1-8)
6Bethani nolei ni Simon, khunthi jayaba ni noh ha Jisu dong ba, 7Bo khalai khamba ha masainjik saosi alabastar bithol ha thao midimyaba ode dam dudao thaoyaba khe labu hi boni ha phai ba, boha bo boni bokhro ha lukhru ba. 8Boni yaohon rikphayarao bokhe nuhi thamsi baigo ba. 9Snadi jabani haglai biglai khma ba? Ebo thao midim khe dam gabang jang phain hi suliyayarao ne riba se ham nang mu, thihi bonsi thiba.
10Thikhabo, Jisu bo grao khe khna hi bonsi khe thi ba, Bo masainjik khe snadi jabani nisi gdang sdang khlai ba? Ani basao ha hamba khusi bo dang ba se. 11Suliyayarao de nalaibo nisi jang baosi dongma se thi; thikhabo, angde nisi niha da nang sosi ang dongsong ma niya. 12Ebo thao bahai midimyaba khe ani saomang ha lukhruyaba de angkhe phip mane salai mani khlai hi bo dangba se. 13Gibi jang ang nisi khe thi du, habsao khrip ha asaba habo ebo hamba graojma khe sainthiyaba ha ebo masainjik khusi dangyaba khebo wainsosong mane khlai hi bonsi thipha lang ma se.
Juda Jisu khe rem rima bao ba
(Mk. 14.10,11; Lk. 22.3-6)
14Boni yaohon hade jhigin ni bising ha subung saosi, Juda Iskariot thijaoyaba, jonthaimarao niha bo thang hi, 15Bokhe nisine ang rem rikha la anthane nisi snadi ri ma? thihi sing ba. Boha bonsi bonthane rang bagrai tho thimjhi suhi ri kha. 16Odehe, bo bubli ni phrang bokhe rem ri mane bo hajora smai kha.
Jisu rikphayarao jang jiphalai ba
(Mk. 14.12-21; Lk. 22.7-13,21-23; Jn. 13.21-30)
17Humao giriyaba hon ni mel basain sagangthao ha jar ni yaohon rikphayarao Jisu niha phai hi, Baiglai busu mel phai mane khlai hi ning ji mane braha salai ma? thihi bokhe sing ba.
18Bo thiphin ba, Nogor ha asaba niha thang hi, boni ha Slingriyaba thidu, ani bubli sampha kha, ani yaohon rikphayarao jang nini noh ha baiglai busu ni mel jing phai ma thihi bo khe thi lah.
19Odehe, Jisu bonsi khe saniba lai ning yaohon rikphayarao bonsi dang kha; ode, baiglai busu ji mane bonsi salai kha.
20Sainbli japhai hi Jisu jar ni rikphayarao jhigin jang baosi makham khalai kham ba. 21Bonsi jisaiba ha bo thi ba, Gibi jang ang nisi khe thi du, nisi ni bising ha subung saosi ang khe rem rima se.
22Boha bonsi hamsi ning waimu nang hi boni ha, Gabra, ang na? thihi bonsi singlai ba.
23Jisu thiphin ba, Ang jang khopra ha hon jem ji phalaiyaba ning ang khe rem ri ma se. 24Marsi ni Basa de boni balam ha bede reb du, olei ning bo thangma se; thikhabo, Marsi ni Basa khe rem riyaba subung ni khlai hi bubain risi bi! Bo subung de hajaiyaba se bonthane khlai hi de hamdao kha mu!
25Odehe, bokhe rem riyaba Juda thiba, O Rabbi, bo la ang ning?. Jisu thiphin ba, Ning ning thila kha.
Gabra ni jimu
(Mk. 14.22-26; Lk. 22.14-20; 1 Kor. 11.23-25)
26Bonsi jisaiba ha Jisu hon phersi lahi, bo hamthai ri rihi, bo hon khe saso ba; ode, rikphayarao ne bo rihi thiba, Ebo khe laha hi ji lah, ebode ani bahain se.
27Odehe, bela laha hi, khajama ni grao thi hi, bonsi ne bo rihi thi ba, Nisi khrip bo ling lah. 28Ebo ani thijao se, phaphirao goma mai mane khlai hi, ode gabang subung ne khlai hi baigo mane hanggaiyaba grao se. 29Thikhabo, ang nisi khe thi du, ani bupha ni raji ha nisi jang ang gadain grep ni bidi khe ling phinya si ang ling phin nang niya kha.
30Odehe, bonsi rajab hi Oliv hading ha bonsi thang la kha.
Peter niyaba khe thidayaba
(Mk. 14.17-31; Lk. 22.31-34; Jn. 13.36-38)
31Odehe, Jisu bonsi khe thiba, Dini hor ha nisi khripbo ani balam ni grao ha nisi khah ha jajaoya hi dongthar ma. Melma raokhiyaba ang su nang, ode melma buthude khaidra ma se thihi rebyaba lai. 32Thikhabo, ang baijaphinba ni yaohon ha Galili raji ha nisi tha sagang hi ang thang ma.
33Thikhabo, Peter de boni ha thi ba, Bonsi khripbo nini balam ni grao ha khah ha jajaoya jahi dong la khabo, ang de khah ha jajaoya hi dongya.
34Jisu bokhe thiphin ba, Gibi jang ang ning khe thi du, Dini hor ha ning daono gisia sani sagang haning ning angkhe phintham niya ma se.
35Peter boni ha thi ba, Ning thiyaba ha thima nangla khabo, ningkhe ang niya nang niya. Olei jasosi ning yaohon rikphayarao khripbo thi ba.
Gethsemane bari ha Jisu biba
(Mk. 14.32-42; Lk. 22.39-46)
36Boni yaohon ha, Jisu jar ni yaohon rikphayarao jang baosi jahi hathan masi, Gethsemane thiyaba ha bonsi sohi kha; ode, bo jar ni rikphayarao niha thiba, Ho gora ha thang hi ang Madai biba ni bising ha nisi eraha ning kham hi dong lah. 37Peter jang Zebedai ni basathu gini khe bo langpha hi, bo hamsi ning waimu jang dukhu nang ba. 38Odehe, bonsi khe thiba, Ani khahsu ha hamsi ning khah dukhu nang du; thima sosi ja du. Eraha ning dong hi angkhe raokhi lah.
39Odehe, bo khaisa sagang gede thangsing daohi yasgu thuhi, O Abai, blai khade ebo bela khe ani phrang disai ri khade ham nang mu; thikhabo, ani baothai lai niya hi, nini baothai lai ja thing, thihi bo biba.
40Odehe, yaohon rikphayarao niha phaiba ha, bonsi thu hi dongba khe bo nuphai hi Peter khe thiba, Hain, nisi la gonthasi bo thuya hi angkhe raokhi phuya na? 41Naigrik ha nisi galaiya mane khlai hi smao hi ning bi dada dong lah. Bese ni khlai hi bokhe blai du, thikhabo saomang de raoya ja du.
42Bo phigin thang hi biphin ba, O Abai, ang lingginyaba bela khe ani phrang disai phuya khade, nini baothai lai ja thing. 43Odehe, bo phaiphinba ha, bonsi thu hi dongba khe nuphin phai ba; bede thikhade bonsi hamsi ning mudri phai kha.
44Odehe, bonsi khe garlang hi thangphin ba, ode bo phintham habo sagang ha thiba lai ning bo biphin ba. 45Boni yaohon ha, jar ni yaohon rikphayarao niha bo phaiphin hi bonsi khe thi ba, Duha de thu hi lenggo lah. Nai lah, bubli de sophai kha. Marsi ni Basa de subung hamyayarao ni yao ha rem rijao ma kha. 46Baija lah, jing thangla nang. Nai lah, angkhe rem riginyaba gabasi sophai kha.
Jisu khe rem bani grao
(Mk. 14.43-50; Lk. 22.47-53; Jn. 18.3-12)
47Odehe, bo sainthi saiba ha ning Juda, jhigin ni bising ha dongyaba subung saosi sophai kha. Ode bo jang baosi jonthaimarao, khraorao ni phrang subung buthu hamsi ning bang hi, seng jang daobu dihi bonsi sophai kha. 48Bonsi ne rem riginyaba sin ne khlai hi bo thida ba, Ang sere khe khudim du bo ning ja kha, rem lah.
49Juda Jisu niha srap thang hi, Juthai, Rabbi thihi bo khe hamsi ning khudim kha.
50Boha, Jisu bokhe thi ba, Lugu, snadi khusi dang mane khlai hi ning phai ba, bo khe duha dang lah.
Boha ning bonsi boni gabasi phai hi yao khe remhi rem kha. 51Jisu ni dol buthu ni bising ha saoside yao phlao hi, jar ni seng khe sikhon hi, Jonthaima ni leng khe dainha hi, boni khmao khe dainkhao khla ba. 52Boha Jisu bokhe thi ba, Nini seng khe jar ni dengthan ha dengphin lah. Bede thikhade seng yaowaiyarao khripbo seng jang ning bonsi thih ma se. 53Duhabo deglarao rjingdo phantha jhigin tha bangdao hi anthane hai riha mane khlai hi ani bupha niha khainsu phu nang niya thi hi nisi angkhe bao ba? 54Thikhabo, olei khainsu kha la, Madai ni sastro, elei japhai ginyaba grao la bede gibi japhu ma?
55Odebani, Jisu subung buthu khe thiba, Seng buthu khe, daobu buthu khe labu hi makhao khe rem mane phaiba lai angkhe rem mane khlai hi nisi phaiba na? Madai ni bikhoh ha nalaibo slingri hi ang kham re, boha nisi ang khe remya lao. 56Thikhabo, gorasalirao ni grao buthu phura gibi ja mane khlai hi olei japhai ba se.
Odebani, yaohon rikphayarao de bokhe dangkhlai hi bonsi khai thar langla kha.
Bisardarrao ni sagang ha Jisu songba
(Mk. 14.53-65; Lk. 22.54,55,63-71; Jn. 18.13,14,19-24)
57Jisu khe remyarao de, Jonthai dedaothaoyaba Kaiapha ni noh ha, Dara khe slingriyarao ode khraorao bojom jayaba ha bokhe bonsi lang kha. 58Thikhabo, Peter de gajain ni phrang bo jang yaohon rikpha hi Jonthai dedaothaoyaba ni barising ni hakhli sosi bo hapsing hi, bokhe naithao mane khlai hi dangyasarao jang baosi bo khampha hi ba. 59Odehe, bokhe bonsi sthai phu mane khlai hi Jonthaimarao ode Bisardarrao khripbo Jisu ni gajai khe mosol sakhi ne bonsi smai ba. 60Mosol sakhi gabang phai lakhabo bonsi maiya. Yaohonthao ha subung gini phai hi, 61ede thiba, “Ebo subung de Madai ni bikhoh khe ruhi, nokha saintham ni bising ha ang dangphu du thidu”, thihi bonsi thiba.
62Odebani, Jonthai dedaothaoyaba songkhu hi boni ha thiba, Musi khebo ning thiphinya na? Ebo buthu ning khe gajai ni sakhi riba la snadi ja ba? Thikhabo Jisu de phirik phirik dong ba. 63Odehe, Jonthai dedaothaoyaba de boniha thi ba, Madai gathang ni bumu jang ning khe jo du, Krista, Madai ni Basa la ning ning? A ne thi ri lah.
64Jisu boni ha thiba, Ang de ning thiyaba ning. Bo niya khabo ang nisi khe thi du, eboni yaohon ha Marsi ni Basa de jar ni raothai jang Madai ni yaoda ha kham hi nokhasao ni jimi sao ha phaiba khe nisi nu nang.
65Odehe, Jonthai dedaothaoyaba jar ni gainsari buthu khe jekhao hi thi ba, Ebo subung de Madai khe siji du. Duha jinthane snadi sakhi gibin nangma kho? Nai lah, Madai khe bo sijiyaba khe nisi khna kha. Bede nisi bao du? 66Bonsi thiphin ba, Bo thih ja re.
67Odehe, boni mukhang ha khudi thuphra ba, ode yao jang bonsi yaosim ri ba; 68Gejesi jakha de, Ning Krista, sere ning khe su ba? Ani ha thi lah thihi bonsi su ba.
Peter Jisu khe niya ba
(Mk. 14.66-72; Lk. 22.56-62; Jn. 18.15-18,25-27)
69Boha, Peter de noh barising ni hakhli ha bo kham ba, ode, mala saosi lengjik boni ha phai hi thiba, Ningbo, Jisu, Galili raji ni subung niha dongyaba se.
70Thikhabo, bo khrip subungrao ni sagang ha niya ba, Ning grao thiyaba khe ang tharmaiya, thi hi thiba. 71Hakhli ni khorong daoglap ha bo baigoba ha lengjik gibin mala bokhe nuhi, oraha dongyarao niha thi ba, Ebo subungbo Jisu Nazareth ni subung jang baosi dongphayaba se.
72Boha, Bo subung khe ang tharmaiya thi hi bo niya phin ba.
73Khaisa bubli ni yaohon ha boni gabasi songyarao Peter niha phai hi thiba, Ning bo bonsi ni bising ha dongphayaba ning ning, nini grao ha tharmai du, ode bonsi thi ba.
74Boha, Bo subung khe ang tharmaiya thihi sari dada bo smai dang ba, ode boha ning daono gisi kha. 75Odehe, Peter khe Jisu daono gisi mani sagang ha ning phintham angkhe niya ma thihi bo thiyaba grao khe wainso phin kha. Ode, baigo hi gabang khah bai hi bo gra kha.
Currently Selected:
MATTHEW 26: DIMASBSI
Highlight
Share
Copy
Want to have your highlights saved across all your devices? Sign up or sign in
Dimasa N.T. with PSA amp PRO (BSI)
© The Bible Society of India, 2006.
Used by permission. All rights reserved worldwide.
MATTHEW 26
26
Jisu khe sthai mane bisar khlaiba
(Mk. 14.1,2; Lk. 22.1,2; Jn. 11.45-53)
1Jisu khrip ebo grao khe thiblai hi, boni yaohon rikphayarao niha bo thi ba, 2Nokha sain gini ni yaohon ha baiglai busu sophai ma ja kha thihi nisi tharmai du. Odehe Marsi ni Basa khe dikthai mane khlai hi bonsi rem rima se.
3Odese, Jonthai dedaothao Kaiapha thijaoyaba ni barising ha jonthaimarao ode noleikhor ni khraorao bojom ja ba; 4Jisu khe srap remhi sthai mane khlai hi bonsi bisar khlai ba. 5Bonsi thiba, Mel jayaba ni bising hade da ja thing, niyakhade noleikhor ha nam khormu ja ma se.
Bethani ha Jisu khe thao do ri ba
(Mk. 14.3-9; Jn. 12.1-8)
6Bethani nolei ni Simon, khunthi jayaba ni noh ha Jisu dong ba, 7Bo khalai khamba ha masainjik saosi alabastar bithol ha thao midimyaba ode dam dudao thaoyaba khe labu hi boni ha phai ba, boha bo boni bokhro ha lukhru ba. 8Boni yaohon rikphayarao bokhe nuhi thamsi baigo ba. 9Snadi jabani haglai biglai khma ba? Ebo thao midim khe dam gabang jang phain hi suliyayarao ne riba se ham nang mu, thihi bonsi thiba.
10Thikhabo, Jisu bo grao khe khna hi bonsi khe thi ba, Bo masainjik khe snadi jabani nisi gdang sdang khlai ba? Ani basao ha hamba khusi bo dang ba se. 11Suliyayarao de nalaibo nisi jang baosi dongma se thi; thikhabo, angde nisi niha da nang sosi ang dongsong ma niya. 12Ebo thao bahai midimyaba khe ani saomang ha lukhruyaba de angkhe phip mane salai mani khlai hi bo dangba se. 13Gibi jang ang nisi khe thi du, habsao khrip ha asaba habo ebo hamba graojma khe sainthiyaba ha ebo masainjik khusi dangyaba khebo wainsosong mane khlai hi bonsi thipha lang ma se.
Juda Jisu khe rem rima bao ba
(Mk. 14.10,11; Lk. 22.3-6)
14Boni yaohon hade jhigin ni bising ha subung saosi, Juda Iskariot thijaoyaba, jonthaimarao niha bo thang hi, 15Bokhe nisine ang rem rikha la anthane nisi snadi ri ma? thihi sing ba. Boha bonsi bonthane rang bagrai tho thimjhi suhi ri kha. 16Odehe, bo bubli ni phrang bokhe rem ri mane bo hajora smai kha.
Jisu rikphayarao jang jiphalai ba
(Mk. 14.12-21; Lk. 22.7-13,21-23; Jn. 13.21-30)
17Humao giriyaba hon ni mel basain sagangthao ha jar ni yaohon rikphayarao Jisu niha phai hi, Baiglai busu mel phai mane khlai hi ning ji mane braha salai ma? thihi bokhe sing ba.
18Bo thiphin ba, Nogor ha asaba niha thang hi, boni ha Slingriyaba thidu, ani bubli sampha kha, ani yaohon rikphayarao jang nini noh ha baiglai busu ni mel jing phai ma thihi bo khe thi lah.
19Odehe, Jisu bonsi khe saniba lai ning yaohon rikphayarao bonsi dang kha; ode, baiglai busu ji mane bonsi salai kha.
20Sainbli japhai hi Jisu jar ni rikphayarao jhigin jang baosi makham khalai kham ba. 21Bonsi jisaiba ha bo thi ba, Gibi jang ang nisi khe thi du, nisi ni bising ha subung saosi ang khe rem rima se.
22Boha bonsi hamsi ning waimu nang hi boni ha, Gabra, ang na? thihi bonsi singlai ba.
23Jisu thiphin ba, Ang jang khopra ha hon jem ji phalaiyaba ning ang khe rem ri ma se. 24Marsi ni Basa de boni balam ha bede reb du, olei ning bo thangma se; thikhabo, Marsi ni Basa khe rem riyaba subung ni khlai hi bubain risi bi! Bo subung de hajaiyaba se bonthane khlai hi de hamdao kha mu!
25Odehe, bokhe rem riyaba Juda thiba, O Rabbi, bo la ang ning?. Jisu thiphin ba, Ning ning thila kha.
Gabra ni jimu
(Mk. 14.22-26; Lk. 22.14-20; 1 Kor. 11.23-25)
26Bonsi jisaiba ha Jisu hon phersi lahi, bo hamthai ri rihi, bo hon khe saso ba; ode, rikphayarao ne bo rihi thiba, Ebo khe laha hi ji lah, ebode ani bahain se.
27Odehe, bela laha hi, khajama ni grao thi hi, bonsi ne bo rihi thi ba, Nisi khrip bo ling lah. 28Ebo ani thijao se, phaphirao goma mai mane khlai hi, ode gabang subung ne khlai hi baigo mane hanggaiyaba grao se. 29Thikhabo, ang nisi khe thi du, ani bupha ni raji ha nisi jang ang gadain grep ni bidi khe ling phinya si ang ling phin nang niya kha.
30Odehe, bonsi rajab hi Oliv hading ha bonsi thang la kha.
Peter niyaba khe thidayaba
(Mk. 14.17-31; Lk. 22.31-34; Jn. 13.36-38)
31Odehe, Jisu bonsi khe thiba, Dini hor ha nisi khripbo ani balam ni grao ha nisi khah ha jajaoya hi dongthar ma. Melma raokhiyaba ang su nang, ode melma buthude khaidra ma se thihi rebyaba lai. 32Thikhabo, ang baijaphinba ni yaohon ha Galili raji ha nisi tha sagang hi ang thang ma.
33Thikhabo, Peter de boni ha thi ba, Bonsi khripbo nini balam ni grao ha khah ha jajaoya jahi dong la khabo, ang de khah ha jajaoya hi dongya.
34Jisu bokhe thiphin ba, Gibi jang ang ning khe thi du, Dini hor ha ning daono gisia sani sagang haning ning angkhe phintham niya ma se.
35Peter boni ha thi ba, Ning thiyaba ha thima nangla khabo, ningkhe ang niya nang niya. Olei jasosi ning yaohon rikphayarao khripbo thi ba.
Gethsemane bari ha Jisu biba
(Mk. 14.32-42; Lk. 22.39-46)
36Boni yaohon ha, Jisu jar ni yaohon rikphayarao jang baosi jahi hathan masi, Gethsemane thiyaba ha bonsi sohi kha; ode, bo jar ni rikphayarao niha thiba, Ho gora ha thang hi ang Madai biba ni bising ha nisi eraha ning kham hi dong lah. 37Peter jang Zebedai ni basathu gini khe bo langpha hi, bo hamsi ning waimu jang dukhu nang ba. 38Odehe, bonsi khe thiba, Ani khahsu ha hamsi ning khah dukhu nang du; thima sosi ja du. Eraha ning dong hi angkhe raokhi lah.
39Odehe, bo khaisa sagang gede thangsing daohi yasgu thuhi, O Abai, blai khade ebo bela khe ani phrang disai ri khade ham nang mu; thikhabo, ani baothai lai niya hi, nini baothai lai ja thing, thihi bo biba.
40Odehe, yaohon rikphayarao niha phaiba ha, bonsi thu hi dongba khe bo nuphai hi Peter khe thiba, Hain, nisi la gonthasi bo thuya hi angkhe raokhi phuya na? 41Naigrik ha nisi galaiya mane khlai hi smao hi ning bi dada dong lah. Bese ni khlai hi bokhe blai du, thikhabo saomang de raoya ja du.
42Bo phigin thang hi biphin ba, O Abai, ang lingginyaba bela khe ani phrang disai phuya khade, nini baothai lai ja thing. 43Odehe, bo phaiphinba ha, bonsi thu hi dongba khe nuphin phai ba; bede thikhade bonsi hamsi ning mudri phai kha.
44Odehe, bonsi khe garlang hi thangphin ba, ode bo phintham habo sagang ha thiba lai ning bo biphin ba. 45Boni yaohon ha, jar ni yaohon rikphayarao niha bo phaiphin hi bonsi khe thi ba, Duha de thu hi lenggo lah. Nai lah, bubli de sophai kha. Marsi ni Basa de subung hamyayarao ni yao ha rem rijao ma kha. 46Baija lah, jing thangla nang. Nai lah, angkhe rem riginyaba gabasi sophai kha.
Jisu khe rem bani grao
(Mk. 14.43-50; Lk. 22.47-53; Jn. 18.3-12)
47Odehe, bo sainthi saiba ha ning Juda, jhigin ni bising ha dongyaba subung saosi sophai kha. Ode bo jang baosi jonthaimarao, khraorao ni phrang subung buthu hamsi ning bang hi, seng jang daobu dihi bonsi sophai kha. 48Bonsi ne rem riginyaba sin ne khlai hi bo thida ba, Ang sere khe khudim du bo ning ja kha, rem lah.
49Juda Jisu niha srap thang hi, Juthai, Rabbi thihi bo khe hamsi ning khudim kha.
50Boha, Jisu bokhe thi ba, Lugu, snadi khusi dang mane khlai hi ning phai ba, bo khe duha dang lah.
Boha ning bonsi boni gabasi phai hi yao khe remhi rem kha. 51Jisu ni dol buthu ni bising ha saoside yao phlao hi, jar ni seng khe sikhon hi, Jonthaima ni leng khe dainha hi, boni khmao khe dainkhao khla ba. 52Boha Jisu bokhe thi ba, Nini seng khe jar ni dengthan ha dengphin lah. Bede thikhade seng yaowaiyarao khripbo seng jang ning bonsi thih ma se. 53Duhabo deglarao rjingdo phantha jhigin tha bangdao hi anthane hai riha mane khlai hi ani bupha niha khainsu phu nang niya thi hi nisi angkhe bao ba? 54Thikhabo, olei khainsu kha la, Madai ni sastro, elei japhai ginyaba grao la bede gibi japhu ma?
55Odebani, Jisu subung buthu khe thiba, Seng buthu khe, daobu buthu khe labu hi makhao khe rem mane phaiba lai angkhe rem mane khlai hi nisi phaiba na? Madai ni bikhoh ha nalaibo slingri hi ang kham re, boha nisi ang khe remya lao. 56Thikhabo, gorasalirao ni grao buthu phura gibi ja mane khlai hi olei japhai ba se.
Odebani, yaohon rikphayarao de bokhe dangkhlai hi bonsi khai thar langla kha.
Bisardarrao ni sagang ha Jisu songba
(Mk. 14.53-65; Lk. 22.54,55,63-71; Jn. 18.13,14,19-24)
57Jisu khe remyarao de, Jonthai dedaothaoyaba Kaiapha ni noh ha, Dara khe slingriyarao ode khraorao bojom jayaba ha bokhe bonsi lang kha. 58Thikhabo, Peter de gajain ni phrang bo jang yaohon rikpha hi Jonthai dedaothaoyaba ni barising ni hakhli sosi bo hapsing hi, bokhe naithao mane khlai hi dangyasarao jang baosi bo khampha hi ba. 59Odehe, bokhe bonsi sthai phu mane khlai hi Jonthaimarao ode Bisardarrao khripbo Jisu ni gajai khe mosol sakhi ne bonsi smai ba. 60Mosol sakhi gabang phai lakhabo bonsi maiya. Yaohonthao ha subung gini phai hi, 61ede thiba, “Ebo subung de Madai ni bikhoh khe ruhi, nokha saintham ni bising ha ang dangphu du thidu”, thihi bonsi thiba.
62Odebani, Jonthai dedaothaoyaba songkhu hi boni ha thiba, Musi khebo ning thiphinya na? Ebo buthu ning khe gajai ni sakhi riba la snadi ja ba? Thikhabo Jisu de phirik phirik dong ba. 63Odehe, Jonthai dedaothaoyaba de boniha thi ba, Madai gathang ni bumu jang ning khe jo du, Krista, Madai ni Basa la ning ning? A ne thi ri lah.
64Jisu boni ha thiba, Ang de ning thiyaba ning. Bo niya khabo ang nisi khe thi du, eboni yaohon ha Marsi ni Basa de jar ni raothai jang Madai ni yaoda ha kham hi nokhasao ni jimi sao ha phaiba khe nisi nu nang.
65Odehe, Jonthai dedaothaoyaba jar ni gainsari buthu khe jekhao hi thi ba, Ebo subung de Madai khe siji du. Duha jinthane snadi sakhi gibin nangma kho? Nai lah, Madai khe bo sijiyaba khe nisi khna kha. Bede nisi bao du? 66Bonsi thiphin ba, Bo thih ja re.
67Odehe, boni mukhang ha khudi thuphra ba, ode yao jang bonsi yaosim ri ba; 68Gejesi jakha de, Ning Krista, sere ning khe su ba? Ani ha thi lah thihi bonsi su ba.
Peter Jisu khe niya ba
(Mk. 14.66-72; Lk. 22.56-62; Jn. 18.15-18,25-27)
69Boha, Peter de noh barising ni hakhli ha bo kham ba, ode, mala saosi lengjik boni ha phai hi thiba, Ningbo, Jisu, Galili raji ni subung niha dongyaba se.
70Thikhabo, bo khrip subungrao ni sagang ha niya ba, Ning grao thiyaba khe ang tharmaiya, thi hi thiba. 71Hakhli ni khorong daoglap ha bo baigoba ha lengjik gibin mala bokhe nuhi, oraha dongyarao niha thi ba, Ebo subungbo Jisu Nazareth ni subung jang baosi dongphayaba se.
72Boha, Bo subung khe ang tharmaiya thi hi bo niya phin ba.
73Khaisa bubli ni yaohon ha boni gabasi songyarao Peter niha phai hi thiba, Ning bo bonsi ni bising ha dongphayaba ning ning, nini grao ha tharmai du, ode bonsi thi ba.
74Boha, Bo subung khe ang tharmaiya thihi sari dada bo smai dang ba, ode boha ning daono gisi kha. 75Odehe, Peter khe Jisu daono gisi mani sagang ha ning phintham angkhe niya ma thihi bo thiyaba grao khe wainso phin kha. Ode, baigo hi gabang khah bai hi bo gra kha.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Dimasa N.T. with PSA amp PRO (BSI)
© The Bible Society of India, 2006.
Used by permission. All rights reserved worldwide.