MATTHEW 27
27
Pilat ni sagang ha Jisu song ba
(Mk. 15.1; Lk. 23.1,2; Jn. 18.28-32)
1Odehe, phorong japhai hi Jonthaimarao ode noleikhor ni khraorao Jisu khe sthai mane khlai hi bonsi sainlai ba. 2Bokhe kha hi bonsi lang ba, ode bisardar niha bonsi yaopha kha.
Juda thih bani grao
(Dang. 1.18,19)
3Bonsi ne rem riyaba Juda, Jisu khe bonsi gajai ja rikha thihi bo khnaba jang, dukhu nang hi, rang bagrai thothimjhi khe Jonthaimarao niha labu phin ba. 4Bonsi niha bo thiba, Subung thijao gajai giriyaba khe rem rihi ang phap khusi dang kha. Thikhabo, bonsi thiba, Jini khlai hi snadi, bokhe la ning se tharmai la ma.
5Bo rang khe hathan gathar ha dangsing hi Juda thangla dada jar khe jar khathai la kha.
6Jonthai dedaothaoyaba bo rang khe lahi, Ebo rang khede khrang phain bokhoh ha deng ba gathar jaya, ebo de thijao ni khamai se, thi hi bo thiba. 7Odebani, bonsi sainlai hi, naorairao khe phip mane khlai hi mudik daoyaba ni hathan khe bo rang jang barai kha. 8Odebani se bo hathan khe dini sosibo Thijao ni hathan bonsi thi ba.
9Odebani se, gorasali Jeremia elei grao thi langyaba phura gibi japhai kha: Rang bagrai thothimjhi bo dengyaba ni dam, Israel greng buthu bonsi dengyaba dam khe bonsi la la kha. 10“Gabra ang khe hanggaiba lai ning, mudik daoyaba ni hathan ni dam ni khlai hi bonsi riba,” thihi thi du.
Pilat Jisu khe singba
(Mk. 15.2-5; Lk. 23.3-5; Jn. 18.33-38)
11Jisu Rom ni bisardar ni sagang ha songba. Boha bisardar singba, Judarao ni raja la ning ning?
Boha, Jisu Ang de ning thiyaba ning thi hi thiphin ba. 12Jonthaimarao, khraorao gajai ri bani balam ha bo musibo grao thiphinya.
13Odebani Pilat bokhe sing ba, Bonsi elei ning khe gajai riyaba khe ning khnaya?
14Thikhabo grao thaisi jahibo Jisu thiphinya. Odebani, bisardar Pilat hamsi ning gmang ba.
Jisu khe sthai mane bisar khlai ba
(Mk. 15.6-15; Lk. 23.13-25; Jn. 18.39—19.16)
15Baiglai ni busu ha Rom ni bisardar phatho ha dongyaba subung saosi bonsi nangjaoyaba khe haiger re. 16Bo bubli ha subung phatho ha dongyaba ni bising ha bumu jadaothaoyaba Barabba thiyaba dong ba. 17Odebani subung buthu bojom japhaiba ha, Pilat bonsi niha, Nisi la sere khe haiger ma nangjao du? Barabba khe na Jisu, Krista thiyaba khe? thi hi bonsi khe sing ba. 18Bede thikhade, bo tharmai du bonsi bokhe hingsa jang se rem ri ba.
19Bisar ni khamthan ha Pilat khamba ha, boni bihih boni ha thi ba, Bo subung hamba ni basao ha musibo da khlai, dini sari ni saomi ha boni khlai hi ang gabang dukhu mai kha, thi hi bo magna ba.
20Jonthaimarao ode Khraorao Barabba khe sain hi Jisu khe sthai mane khlai hi subung buthu khe bonsi jaokhu ba. 21Thikhabo, Pilat bonsi niha, Ebo gini ni bising ha sere khe nisi ne haiger rima nangjao du? thi hi bonsi khe singphin ba.
Bonsi thi ba, Barabba khe
22Pilat bonsi khe sing ba, Jisu, Krista thiyaba khe la ang snadi khlai ma nangjao du?
Boha bonsi khrip bo, Kross ha dikpha ri lah thi hi bonsi thi ba.
23Thikhabo, Pilat bonsi khe thiba, Snadi jabani? Bo snadi gajai khlai ba?
Boha bonsi khrip bol jang, Kross ha dikpha ri lah thi hi jirikkhao ba.
24Odebani, Pilat de musibo khlaiphuya hi nam khormu jama se thihi bo mithi dada, bo dih laha hi, subung buthu ni sagang ha jar ni yao khe suhi thi ba, Ebo subung ni thijao hade ani gajai giri. Nisi nangjaoba lai nisi dang lah.
25Odehe, khrip noleikhor ni subung buthu thiba, Boni thijao de jini basao ha ode jini basathu ni basao ha dong thing.
26Boni yaohon ha Barabba khe bonsi ne haiger ri kha; thikhabo bonsi Jisu khe suhi dohi, kross ha dikpha mane khlai hi bo nepha kha.
Siphaiyarao Jisu khe mlaothai ba
(Mk. 15.16-20; Jn. 19.2,3)
27Boni yaohon ha, Bisardar ni siphaiyarao Jisu khe Raja ni noh ha lang hi hapsing ba, ode bonsi ni dol ni khrip subung buthu khe boni ha longthim ba. 28Odehe, boni gainsari khe kho hi, rih gajao khe bonsi gain ri ba. 29Ode, busuh ni khrothu kha hi, bonsi bone thu riba, ode boni yaoda ni yao ha dobung di rihi boni sagang ha bonsi yasgu thu dada, Juthai, Judarao ni Raja thi hi bonsi malao thalao therkhu khlai ba. 30Odehe, bonsi khudi thuphra hi, balangsi khe laha hi, boni bokhro ha bonsi do ba. 31Odehe, malao thalao therkhu khlai blai bani yaohon ha, gainsari khe kho khlai rihi, boni gainsari khe bonsi gain riphin ba; ode dikpha mane khlai hi bonsi lang kha.
Jisu dikpha jaoba
(Mk. 15.21-32; Lk. 23.26-43; Jn. 19.17-27)
32Bonsi baigoba ha, Kurini nolei ni subung saosi boni bumu Simon thiyaba khe bonsi goron hi, bo subung khe boni kross bain ri mane khlai hi bonsi rem ba. 33Golgotha thiyaba hathan ha bonsi sohi kha (bokhe laokhrong ni hathan thi re). 34Grep bidi gabrab jinis gakha jang gibringyaba khe bo ling mane khlai hi bonsi ri ba, thikhabo jenaiba jang bo lingma nangjaoya kha.
35Kross ha bonsi dikpha blai hi, sma nai hi boni gainsari buthu khe ron ba. 36Boni yaohon ha oraha kham hi bonsi naiso hi raokhi ba, bokhe gajai ri ba. 37EBO SUBUNG DE JISU JUDARAO NI RAJA SE thiyaba khe reb hi boni bokhro ni basao ha bonsi pha ba. 38Odehe, bo jang baosi dakhat gini khebo bonsi dikpha ba, yaoda gede saosi, yaosi gede saosi.
39Subung thangyarao phaiyarao bonsi ni bokhro thingkhrai hi bonsi mushu ba. 40Ning Madai khoh khe ruhi, nokha saintham ha dang phinyaba, ning jar khe sogo lah. Ning Madai ni basa ning thikhade kross ni phrang akhai bu lah, thi hi thiba.
41Olei jasosi ning Jonthaimarao, Dara khe slingriyarao ode Khraoraobo malao thalao khlai ba. 42Malai khe la bo sogo phu du, jar khe la bo sogo la phuya. Israel ni Raja se thi ba la, duha kross ni phrang akhai khade, bokhe jingbo lon nang mu! 43Madai khe bo londu thi, jar khe bo nangjao khade sogo la thing. Angde Madai ni basa se, thi hi jar khe thi la du, thi hi bonsi thiba.
44Olei jasosi ning bo jang baosi kross ha dakhat dikpha jaoyarao bo malao thalao khlaijao ba.
Jisu thih bani grao
(Mk. 15.33-41; Lk. 23.44-49; Jn. 19.28-30)
45Sain daokhusaiba ni phrang hor ni makham sungbli sosi hapsao andar jathar ba. 46Hor ni makham sungbli beren ha, Jisu khurang bol jang, Eli, Eli, lama Sabakthani thi hi bo jirikkhao ba (Bo grao de Ani Madai, Ani Madai, snadi jabani ning angkhe haiger lang ba? thiyaba grao se).
47Boni rogong ha gejesi songyarao de bokhe bonsi khna hi, Ebo subung de Elija khe long du, thi hi bonsi thiba. 48Boha, bonsi ni bising ha dongyaba subung saosi srap khailang hi sponj laihi dada grep bidi gabrab khe gablai si jem hi goda ha khepre ba, ode bo khe ling ri ba.
49Gibin subung buthu de, Dong la thing, bokhe sogo mane khlai hi Elija phaidu na phaiya, jing jon hi nailai nang, thi hi bonsi thiba.
50Jisu de bol jang jirikkhao phin hi, boni bese haiger lang la kha.
51Odehe, Madai khoh ha ridimyaba boni basao ni phrang bakhla sosi phigin jigao lang la kha. Banglama smao hi, longthaima buthu berekkhao thar du; 52Mangkhlong buthu khuru ba, subung gathar sagang thudayarao ni saomang bo gabang thang hi baija phin ba; 53bo buthu de baija phin bani yaohon ha mangkhlong ni phrang baigo hi nogor gathar ha hapsing hi, gabang subung niha bonsi nujao ba.
54Boha, siphaiya rajasi ni hoja ode bo jang baosi Jisu khe raokhi hi dongphayarao bo, banglama smaoyaba ode khrip jathai buthu khe nu dada bonsi hamsi ning khin hi, ‘Ebo subung de Madai ni basa ning,’ ode bonsi thi ba.
55Oraha gabang masainjik, boni khusi dangpha lang hi Galili raji ni phrang Jisu ni yaohon rikphayarao dong ba; ode gajain ni phrang bonsi nai hi ba; 56bo buthu ni bising ha Mari Magdalin thu, Mari, Jakob jang Josef ni buma thu, Zebedai ni basathu ni buma thu bo dongpha du.
Jisu khe phip bani grao
(Mk. 15.42-47; Lk. 23.50-56; Jn. 19.38-42)
57Sainbli japhai hi gnang subung saosi, boni bumu Josef, Arimathai ni subung phai ba, bede thikhade, bobo Jisu ni yaohon rikphayasa se. 58Bo subung Pilat niha thang hi, Jisu ni manggathi khe bo sain ba. Boha Pilat riha mane khlai hi grao ri ba. 59Odebani, Josef boni manggathi khe rih gli dudu ragaoyaba jang phain merai hi, 60boni mangkhlong gadain, longthai gabla phu hi, bokhe thu riba, ode, mangkhlong ni mukhang ha longthai gedeba jang baophung hi bo thangla kha. 61Oraha ning Mari Magdalin ode gibin Mari bo mangkhlong ni sagang phrangsong ha bonsi kham hi dong ba.
Mangkhlong raokhi ba
62Dakhna ni basain de (bokhe salai blai hi dong mani basain yaohonthao se) Jonthaimarao ode Pharisairao Pilat niha bojom ja hi thi ba, 63Gedeba, bo thokhiyaba de thang hi dong bani sainkhali Nokha saintham ha ang baija phinma se thiyaba khe jing wainso du. 64Odebani, mangkhlong khe nokha saintham sosi hamsisi raokhi mane khlai hi grao ri lah. Ode niyakha de boni yaohon rikphayarao phai hi bokhe khaolang la hi, noleikhor ha bo githi ni bising ni phrang baijaphin kha thi hi bonsi thijao nang. Odebani sagang ha thokhiyaba thane yaohon ha thokhiyaba ar hamyadao hi ja ma se.
65Pilat bonsi khe thiba, Raokhiyaba siphaiyarao nisi niha dong, thang hi nisi blaiba lai lai hamsisi raokhi ri lah.
66Raokhiyaba siphaiyarao jang bonsi thang hi, mangkhlong khe hamsisi raokhi ri ba, ode bonsi longthai khe sin phnang ba.
Currently Selected:
MATTHEW 27: DIMASBSI
Highlight
Share
Copy
Want to have your highlights saved across all your devices? Sign up or sign in
Dimasa N.T. with PSA amp PRO (BSI)
© The Bible Society of India, 2006.
Used by permission. All rights reserved worldwide.
MATTHEW 27
27
Pilat ni sagang ha Jisu song ba
(Mk. 15.1; Lk. 23.1,2; Jn. 18.28-32)
1Odehe, phorong japhai hi Jonthaimarao ode noleikhor ni khraorao Jisu khe sthai mane khlai hi bonsi sainlai ba. 2Bokhe kha hi bonsi lang ba, ode bisardar niha bonsi yaopha kha.
Juda thih bani grao
(Dang. 1.18,19)
3Bonsi ne rem riyaba Juda, Jisu khe bonsi gajai ja rikha thihi bo khnaba jang, dukhu nang hi, rang bagrai thothimjhi khe Jonthaimarao niha labu phin ba. 4Bonsi niha bo thiba, Subung thijao gajai giriyaba khe rem rihi ang phap khusi dang kha. Thikhabo, bonsi thiba, Jini khlai hi snadi, bokhe la ning se tharmai la ma.
5Bo rang khe hathan gathar ha dangsing hi Juda thangla dada jar khe jar khathai la kha.
6Jonthai dedaothaoyaba bo rang khe lahi, Ebo rang khede khrang phain bokhoh ha deng ba gathar jaya, ebo de thijao ni khamai se, thi hi bo thiba. 7Odebani, bonsi sainlai hi, naorairao khe phip mane khlai hi mudik daoyaba ni hathan khe bo rang jang barai kha. 8Odebani se bo hathan khe dini sosibo Thijao ni hathan bonsi thi ba.
9Odebani se, gorasali Jeremia elei grao thi langyaba phura gibi japhai kha: Rang bagrai thothimjhi bo dengyaba ni dam, Israel greng buthu bonsi dengyaba dam khe bonsi la la kha. 10“Gabra ang khe hanggaiba lai ning, mudik daoyaba ni hathan ni dam ni khlai hi bonsi riba,” thihi thi du.
Pilat Jisu khe singba
(Mk. 15.2-5; Lk. 23.3-5; Jn. 18.33-38)
11Jisu Rom ni bisardar ni sagang ha songba. Boha bisardar singba, Judarao ni raja la ning ning?
Boha, Jisu Ang de ning thiyaba ning thi hi thiphin ba. 12Jonthaimarao, khraorao gajai ri bani balam ha bo musibo grao thiphinya.
13Odebani Pilat bokhe sing ba, Bonsi elei ning khe gajai riyaba khe ning khnaya?
14Thikhabo grao thaisi jahibo Jisu thiphinya. Odebani, bisardar Pilat hamsi ning gmang ba.
Jisu khe sthai mane bisar khlai ba
(Mk. 15.6-15; Lk. 23.13-25; Jn. 18.39—19.16)
15Baiglai ni busu ha Rom ni bisardar phatho ha dongyaba subung saosi bonsi nangjaoyaba khe haiger re. 16Bo bubli ha subung phatho ha dongyaba ni bising ha bumu jadaothaoyaba Barabba thiyaba dong ba. 17Odebani subung buthu bojom japhaiba ha, Pilat bonsi niha, Nisi la sere khe haiger ma nangjao du? Barabba khe na Jisu, Krista thiyaba khe? thi hi bonsi khe sing ba. 18Bede thikhade, bo tharmai du bonsi bokhe hingsa jang se rem ri ba.
19Bisar ni khamthan ha Pilat khamba ha, boni bihih boni ha thi ba, Bo subung hamba ni basao ha musibo da khlai, dini sari ni saomi ha boni khlai hi ang gabang dukhu mai kha, thi hi bo magna ba.
20Jonthaimarao ode Khraorao Barabba khe sain hi Jisu khe sthai mane khlai hi subung buthu khe bonsi jaokhu ba. 21Thikhabo, Pilat bonsi niha, Ebo gini ni bising ha sere khe nisi ne haiger rima nangjao du? thi hi bonsi khe singphin ba.
Bonsi thi ba, Barabba khe
22Pilat bonsi khe sing ba, Jisu, Krista thiyaba khe la ang snadi khlai ma nangjao du?
Boha bonsi khrip bo, Kross ha dikpha ri lah thi hi bonsi thi ba.
23Thikhabo, Pilat bonsi khe thiba, Snadi jabani? Bo snadi gajai khlai ba?
Boha bonsi khrip bol jang, Kross ha dikpha ri lah thi hi jirikkhao ba.
24Odebani, Pilat de musibo khlaiphuya hi nam khormu jama se thihi bo mithi dada, bo dih laha hi, subung buthu ni sagang ha jar ni yao khe suhi thi ba, Ebo subung ni thijao hade ani gajai giri. Nisi nangjaoba lai nisi dang lah.
25Odehe, khrip noleikhor ni subung buthu thiba, Boni thijao de jini basao ha ode jini basathu ni basao ha dong thing.
26Boni yaohon ha Barabba khe bonsi ne haiger ri kha; thikhabo bonsi Jisu khe suhi dohi, kross ha dikpha mane khlai hi bo nepha kha.
Siphaiyarao Jisu khe mlaothai ba
(Mk. 15.16-20; Jn. 19.2,3)
27Boni yaohon ha, Bisardar ni siphaiyarao Jisu khe Raja ni noh ha lang hi hapsing ba, ode bonsi ni dol ni khrip subung buthu khe boni ha longthim ba. 28Odehe, boni gainsari khe kho hi, rih gajao khe bonsi gain ri ba. 29Ode, busuh ni khrothu kha hi, bonsi bone thu riba, ode boni yaoda ni yao ha dobung di rihi boni sagang ha bonsi yasgu thu dada, Juthai, Judarao ni Raja thi hi bonsi malao thalao therkhu khlai ba. 30Odehe, bonsi khudi thuphra hi, balangsi khe laha hi, boni bokhro ha bonsi do ba. 31Odehe, malao thalao therkhu khlai blai bani yaohon ha, gainsari khe kho khlai rihi, boni gainsari khe bonsi gain riphin ba; ode dikpha mane khlai hi bonsi lang kha.
Jisu dikpha jaoba
(Mk. 15.21-32; Lk. 23.26-43; Jn. 19.17-27)
32Bonsi baigoba ha, Kurini nolei ni subung saosi boni bumu Simon thiyaba khe bonsi goron hi, bo subung khe boni kross bain ri mane khlai hi bonsi rem ba. 33Golgotha thiyaba hathan ha bonsi sohi kha (bokhe laokhrong ni hathan thi re). 34Grep bidi gabrab jinis gakha jang gibringyaba khe bo ling mane khlai hi bonsi ri ba, thikhabo jenaiba jang bo lingma nangjaoya kha.
35Kross ha bonsi dikpha blai hi, sma nai hi boni gainsari buthu khe ron ba. 36Boni yaohon ha oraha kham hi bonsi naiso hi raokhi ba, bokhe gajai ri ba. 37EBO SUBUNG DE JISU JUDARAO NI RAJA SE thiyaba khe reb hi boni bokhro ni basao ha bonsi pha ba. 38Odehe, bo jang baosi dakhat gini khebo bonsi dikpha ba, yaoda gede saosi, yaosi gede saosi.
39Subung thangyarao phaiyarao bonsi ni bokhro thingkhrai hi bonsi mushu ba. 40Ning Madai khoh khe ruhi, nokha saintham ha dang phinyaba, ning jar khe sogo lah. Ning Madai ni basa ning thikhade kross ni phrang akhai bu lah, thi hi thiba.
41Olei jasosi ning Jonthaimarao, Dara khe slingriyarao ode Khraoraobo malao thalao khlai ba. 42Malai khe la bo sogo phu du, jar khe la bo sogo la phuya. Israel ni Raja se thi ba la, duha kross ni phrang akhai khade, bokhe jingbo lon nang mu! 43Madai khe bo londu thi, jar khe bo nangjao khade sogo la thing. Angde Madai ni basa se, thi hi jar khe thi la du, thi hi bonsi thiba.
44Olei jasosi ning bo jang baosi kross ha dakhat dikpha jaoyarao bo malao thalao khlaijao ba.
Jisu thih bani grao
(Mk. 15.33-41; Lk. 23.44-49; Jn. 19.28-30)
45Sain daokhusaiba ni phrang hor ni makham sungbli sosi hapsao andar jathar ba. 46Hor ni makham sungbli beren ha, Jisu khurang bol jang, Eli, Eli, lama Sabakthani thi hi bo jirikkhao ba (Bo grao de Ani Madai, Ani Madai, snadi jabani ning angkhe haiger lang ba? thiyaba grao se).
47Boni rogong ha gejesi songyarao de bokhe bonsi khna hi, Ebo subung de Elija khe long du, thi hi bonsi thiba. 48Boha, bonsi ni bising ha dongyaba subung saosi srap khailang hi sponj laihi dada grep bidi gabrab khe gablai si jem hi goda ha khepre ba, ode bo khe ling ri ba.
49Gibin subung buthu de, Dong la thing, bokhe sogo mane khlai hi Elija phaidu na phaiya, jing jon hi nailai nang, thi hi bonsi thiba.
50Jisu de bol jang jirikkhao phin hi, boni bese haiger lang la kha.
51Odehe, Madai khoh ha ridimyaba boni basao ni phrang bakhla sosi phigin jigao lang la kha. Banglama smao hi, longthaima buthu berekkhao thar du; 52Mangkhlong buthu khuru ba, subung gathar sagang thudayarao ni saomang bo gabang thang hi baija phin ba; 53bo buthu de baija phin bani yaohon ha mangkhlong ni phrang baigo hi nogor gathar ha hapsing hi, gabang subung niha bonsi nujao ba.
54Boha, siphaiya rajasi ni hoja ode bo jang baosi Jisu khe raokhi hi dongphayarao bo, banglama smaoyaba ode khrip jathai buthu khe nu dada bonsi hamsi ning khin hi, ‘Ebo subung de Madai ni basa ning,’ ode bonsi thi ba.
55Oraha gabang masainjik, boni khusi dangpha lang hi Galili raji ni phrang Jisu ni yaohon rikphayarao dong ba; ode gajain ni phrang bonsi nai hi ba; 56bo buthu ni bising ha Mari Magdalin thu, Mari, Jakob jang Josef ni buma thu, Zebedai ni basathu ni buma thu bo dongpha du.
Jisu khe phip bani grao
(Mk. 15.42-47; Lk. 23.50-56; Jn. 19.38-42)
57Sainbli japhai hi gnang subung saosi, boni bumu Josef, Arimathai ni subung phai ba, bede thikhade, bobo Jisu ni yaohon rikphayasa se. 58Bo subung Pilat niha thang hi, Jisu ni manggathi khe bo sain ba. Boha Pilat riha mane khlai hi grao ri ba. 59Odebani, Josef boni manggathi khe rih gli dudu ragaoyaba jang phain merai hi, 60boni mangkhlong gadain, longthai gabla phu hi, bokhe thu riba, ode, mangkhlong ni mukhang ha longthai gedeba jang baophung hi bo thangla kha. 61Oraha ning Mari Magdalin ode gibin Mari bo mangkhlong ni sagang phrangsong ha bonsi kham hi dong ba.
Mangkhlong raokhi ba
62Dakhna ni basain de (bokhe salai blai hi dong mani basain yaohonthao se) Jonthaimarao ode Pharisairao Pilat niha bojom ja hi thi ba, 63Gedeba, bo thokhiyaba de thang hi dong bani sainkhali Nokha saintham ha ang baija phinma se thiyaba khe jing wainso du. 64Odebani, mangkhlong khe nokha saintham sosi hamsisi raokhi mane khlai hi grao ri lah. Ode niyakha de boni yaohon rikphayarao phai hi bokhe khaolang la hi, noleikhor ha bo githi ni bising ni phrang baijaphin kha thi hi bonsi thijao nang. Odebani sagang ha thokhiyaba thane yaohon ha thokhiyaba ar hamyadao hi ja ma se.
65Pilat bonsi khe thiba, Raokhiyaba siphaiyarao nisi niha dong, thang hi nisi blaiba lai lai hamsisi raokhi ri lah.
66Raokhiyaba siphaiyarao jang bonsi thang hi, mangkhlong khe hamsisi raokhi ri ba, ode bonsi longthai khe sin phnang ba.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Dimasa N.T. with PSA amp PRO (BSI)
© The Bible Society of India, 2006.
Used by permission. All rights reserved worldwide.